قلت لزوجي كلمة ليتني ما قلتها

السلام عليكم

انا حالتي النفسية كما لها تدهور والظاهر لو استمريت كذا بصير اراجع طبيب نفسي
انا مدري وش بلاي حاطه دوبي ودوب هالرجال
وانا والله اقرا ردودكم واللي تقول لا تخلين الزوج اكبر همك عيشي حياتك واقول في نفسي صادقة بس مقدر وربي مقدر انتم ما تدرون عن وضعي وكيف نفسيتي وربي اني تغيرت 180 درجة احس اني بشيب بسرعة وحتى كلامي اختلف مع الناس كلهم وربي صاحباتي تغيرت عليهم ومو بيدي غصب عني تغيرت .

انا كنت فرفوشة واحب اضحك وربي صدق وكنت اجتماعية والبنات يحبوني والحين تغيرت مدري وش بلاي ودي ارجع مثل قبل اضحك واسولف واهتم في نفسي وعطوراتي ولبسي ودي البس لنفسي واتعطر لنفسي مو عشان زوجي رغم اني كنت في بداية زواجي اكشخ له بس هو ما يساعد ولا هو يمي فصرت مهمله بنفسي بسبته رغم اني اشوف في عيونه الفرح إذا تكشخت بس ابد ما يتكلم كنه ابكم .

مدري ممكن العيب فيني لاني قبل الزواج كنت افكر الزواج سعادة ووووو وبعدين انصدمت .

سامحوني سامحوني ادري وربي اني ازعجتكم بس وربي لو ما فضفضت ليجيني شي
انا محد فاهمني ابد
انا ابغى اعيش احس اني مخنوقة
اه اه اه
لا تقولون لا تخلين زوجك اكبر همك >>> الا بقول انه اكبر همي
ولا تحسبوني افكر بالطلاق لو ابي اتطلق تطلقت وما جيت اكتب
انا وقت ما نتزاعل ويوديني لاهلي اتكدر وودي ارجع لبيتي وحتى هو إذا طولت القعدة يومين ثلاثه يتصل يشوف اخباري ويرجعني

يعني انا احس انه يحبني بس ما يقول والمشكله تصرفاته متناقضة

اليوم صار موقف قهرني حيييييييييييييييييييل
اليوم شفته فاايق ورايق فطلبته نخرج نتمشى لان من زمان ما خرجنا وقالي وين تبين قلت أي مكان المهم وافق وخرجنا وربي اني فرحت مو عشاني خرجت لا وربي بس ابي احس اني صدق متزوجة وخارجة مع زوجي المهم جالسين نسولف وتعرفون حنا يالحريم نحب نبربر
وكانت مشاعري اتجاهه صدق قوية وما تمالكت نفسي فقلت له اني احبك وذي اول مرة اقولها له وهو عمره ماقالي كلام كذا وربي رد علي رد قهرني حيييييييييييييييييييل قالي عشاني مشيتك اليوم . وربي من بعدها مالي نفس اقعد وصرت طرما وهو كالعادة ساكت

اه يالهم اه وربي ماكنت اعرف الهموم وكنت اسمع عنها والحين عايشتها

وكانوا فيه اطفااااااااااال كثير ربي يخليهم لاهاليهم وانا كل شوي اقوله ياحلاوه الاطفال يازين البراءة الله يخليهم لاهاليهم وهو ما كانه يسمع
وبعدين صار يتفلسف بكلام غريب يقول تشوفين الناس ذولي كلهم قلت ايه قال تتوقعين انهم كلهم سعداء قلت مدري الله العالم قال 99% منهم يكابرون ويدعون السعادة

ادعولي اني احمل انا احس ان الحمل بيحل مشاكلي كلها