السلام عليكم
كيفكم بنات
ندخل دوووغري
أقولكم أمس كنا في الهدا والجو العليل الحلوووو يهبل ماشاء الله
ونحن جالسين في أمان الله
ويجو ناس ويجلسوا جنبنا ويروحو عادي
بس شوية وجاء رجال طول وعرض هو وحدة حرمة ورجال تاني كمان
وجلس قريب مننا يعني يمكن 3 او 4 امتار
لا وكمان موجه وجهو عليا
فقبل مايجلس جالسة اقول لزوجي وربي لو جلس في وجهي مايستحي ع وجهو
وانا مممررررة مقهورة منو وماخلصت كلمتي الا تربع وجلس
دحين زوجي معطيه ظهره وانا في وجهه
الا يقول بصوت عاااالي خلي الحوووورمة تلف وجهها :06:
بالله ايش رايكم
انا من غير والله وعي قمت رفعت صوتي عليه وقلت له انت اللي لف وجهك توك جاي اما احنا من اول ومعصبة
وزوجي مفجوع هع
قام يقوله لف وجهك انت يقول طيب اخويا كيف يجلس
قاله اجلسو في صف واحد...!! كيمياء هيا ولأ أيه
لا ويقول طيب ابشر :06:
والله ماتحرك من مكانه
قاااهرني
انا شوية واستوعبت اني كلمته ورفعت صوتي وزوجي عندي والله مرة انحرجت خ خ
بس زوجي ماقال شي ههه الحمدلله
المشكلة انا في هذه المواقف ما اعرف اسكت انقهر
مع اني أعتبر هادية ومو عصبية ابدا
فيه موقف صار من فترة كنا في مطعم وكل شوية دا الرجال داخل يحط غرض وخارج ولا حتي يستأذن أو يدق الباب
يعني ع طوول
في الأخير برضو انقههررت شوية دخل الا قلت له استأذن لما تدخل تاني لو سمحت
هو ع طوول حاضر حاضر يامدام
انا بصراحة اقعد افكر بعدين ليه تكلمت عيب وزوجي موجود المفروض اقوله هو يكلمه خ خ خ
شو رايكم:35:
واللي عندها مواقف زي كدا تسدحها هوووون
حكاية إبداع @hkay_abdaaa
عضوة فعالة
يلزم عليك تسجيل الدخول أولًا لكتابة تعليق.
الصفحة الأخيرة
اخوه كيف يجلس اجل والله ورطه صدق
اشوى زوجك سلك وماقالك شي ياحليلك لف وجهك انت (: