قلت له انت كـــــــــــــــــــــــــــــ ــذاب كذاب كذاب كذاب

هالتقنيه ماجابت لنا الا وجع الراس ودمار البيوت اللي مهي عامره اصلا
و دمرت اخلاق رجالنا اللي الصلاح مفارقهم .. ليتنا على زمان اول ..... انتم معي بكذا ؟؟

اخش بالسالفه :

يابنات انا من زمان طويل وانا على النت اعرف خوابيصه ودواعيسه وابو العيال لاهي بالاستراحه مايبي يضغط بالنت زر

ومرت السنين ورى السنين تقريبا 13 سنه تقريبا وانا مليت وتركت النت حتى نكي القديم بالمنتدى نسيت باسوورده


وفي يوم صنفت مع ابو الشباب وحط مودم سريع .. مدري صنفت ولا واحد عبى راسه

وانكب عليه

بعد مانتعشى ونجلس شوي اروح انا اصلي ماكتب الله لي وهو يجلس عليه

واخلص واجي وهو منزوي بركن وصاد ولاقربت منه سوى تراجع وارتبك .. انا شاكه اصلا من جاب المودم فجأه كذا ان فيه شي

بس تجاهلت الموضوع وقلت ياحرمه احنا كبار وهو ذنبه على جنبه وان فيه شي فهو نزوه وتروح لاتفتعلين مشاكل اصبري عليه وطنشيه ومن هالكلام خصوصا وا حنا تونا طالعين من مشكله قريبه .. ومن ناحيه ثانيه انا احفظ قران وابي اتفرغ له مابي اشحن قلبي واعبي راسي قلت بكيفه يسوي مايسوي

طبعا صرت انام لحالي واقوم لحالي اقوم قبل الفجر بساعه نص ساعه اصلي ... القاه توه يطفيه ووضعه مريب
صبرت وصبرت وصبرت


بيوم ماقدرت امسك نفسي قلت انت الحين حاط قفل على جهازك ليه وش خاش عني وش تدبر بالجهاز من وراي
قال ولا شي وانا ماسوي شي وانتي وش شايفتني وانا ماعرف هالحاجات وعيب علي وانا .. وانا ... ولاتظنين بي هالظن ومواااااااااااال مضبط مرتب لو احد اصم يسمعه يصدقه

ونزه نفسه عن الدنايا والخطايا والخيانه


وانا صدقته .................. على شكله وربي ينصدق .. بس قلت له اجل علمني الباسوورد كانك صادق
عطاني اياه و قبل يطلع للمسجد فتح الجهاز ومسح المحفوظات وحذف مدري وش حذف وهو متردد باين عليه الاحراج مني قايله الخوف

انا خلاص تحول شكي ليقين وقلت بس ابي اعرف هو صادق ولاكذاب وممثل بارع ؟؟

واخذت لابتوبي وعلى موقع داون لود حملت برنامجين ريكفر لصور الجهاز وخليته .. ورحت انام وهو على جهازه مهملني كالعاده

يوم راح الدوام ضبطت المنبه وقمت على طول لجهازه ونزلت البرنامجين وشغلتهم ... واشتغلوا

ووش شفت بس آآآآآه

انا توقعت شي سيء بس مو لها الدرجه .. متوقعه القى عفن بس مو لها الدرجه


انجنيت من اللي شفته انوااااااااااع الحريم البيضاء والسمراء والسوداء والاوربيه والعربيه والسمينه والنحيفه والوسط والطويله والقصيره والواقفه والجالسه واللي واللي من كل بلاعه نجاسه .. مني قايله من كل بستان زهره مع انهن بالواقع مثل الزهر :(

طبعا على اقذر هيئه كلهن وشي فظيييييييييييييييع استعراضهن باجسامهن مدري منين طب عليهن

وبعضهن ******:(

وناسيات يلبسن :(

قلت بنفسي ســـــــــــــــــــود الله وجهك .. تخون وتكذب :(

وانا انام لحالي واقوم لحالي ياغافلين لكم الله :(

ومرت حوالي ساعه والبرنامج يقولي استرجع واحد بالميه 1 % تخيلوا ؟؟؟ باقي 99 بالميه ماطلعها

ولا ابالغ ان قلت طلع لي اربع الالاف صوره ودي احلف ان فيه اكثر من خمس طعش الف صوره بس خلاص لاعت كبدي
ماعاد اقدر اشوف اكثر


رحت من الحرقه وجمعت بعض الصور يمكن حول ميه وحطيتها بملف وانتظرته لين جاء من العمل قلت حطيت لك هديه بجهازك رح شفها

فتح الجهاز قدامي ووجهه يابنات لو شفتوا وجهه كانه واقف فوق جبل واحد دفه على الارض

انصــــــــــــــدم يقول من وين جبتيهن .. خبرته قليله بالاجهزه وانا دارسه واعرف بعض الشي

جاء دوري عاد انا فتحت فمي ولاخليت ولابقيت واتكلم بدم بارد وهدوء اعصاب وبتبلد غريب احس اني متبلد احساسي ولاهمني واتصنع الاهتمام مدري وش صابني اتكلم واضحك .. وابتسم واقط عليه كلام
من ضمن كلامي قلت له انت كذاب وجهازك كنه جهاز مراهق وانت تتفرج على ارداف ال ..... و ....

وهو يبرر ويتنصل من التهم ويسوي هذا الجهاز من نفسه حملها وكلام مايمشي حتى على البزران
وانا مشتغله ارد الحرف بعشره ..


قام بيني وبينه خطوه خطوتين ورفع الجهاز فوق .. انا خلاص قلت بيفقع ام راسي فيه ماقدرت حتى اقوم انحاش تجمدت من الخوف وانطرمت :(
ورماه على الارض حتى تهشم ورفعه مره ثانيه ورماه انا بقوم انحاش انفذ بجلدي ماقدرت من الخوف من هياجه
عاد هو عصبي وانفجر :(

والجهاز بالفين وسبعميه شاريه والله خساره عشان هالفاجرات يروح ..
طلع من الصاله وانا حطيت رجلي اركض ركض ودخلت غرفة ولدي الكبير وجلست معه خفت منه يمه خفت يرجع علي ... يوم سمعت صوت سيارته من البايكه عرفت انه طلع رحت بسرعه باخذ الجهاز مليان صور لي مالقيته شكله اخذه يرميه وناسي صوري اللي فيه :(

وانا ماقدرت اتصل اقوله من الخوف قلت هو بس يسلم راسي وشلت المودم خشيته قلت لايهشمه ورانا حافز :icon19:

المهم وترك لي البيت وولى

وتحسبونه يوم جاء جاب معه جوال جالكسي نوت هديه وغلفه وحطه عندي يترضاني
ولاتحسبونه شرى لي ورده ومدها علي
ولاحتى ارسلي رسالة اعتذار وقال اعوذ بالله من الشيطان هو السبب ..

ابد

اخذ المخده وسكن بالمجلس لايكلمني ولا ياكل عندي ولايمر من جنبي ولا ينام معي ولاكنه يعرفني حتى
لنا الحين كم يوم

تعود دايم انا اترضاه بس مايدري انه قبل يكسر الجهاز بيده انا تكسرت صورة الرجل المثالي العفيف بقلبي




ملحوظه :
لااحد يقول لي حطي والبسي ورشي وخنبزي ترى مابقى احد مايعرف هاللحاويس بس الرجال خلاص مايملى عينهم شي ..

(فيونكة حمرا)

ياحبيبة قلبي احلف لك بالله اني حافظه القران كله اي وربي وهالرجال خلاني من بعد ماكنت اطالع بكلام ربي صرت اطالع باجساد الفاجرات .. الله حسيبه
والله يوفقك يالغلا ويجزاك خير