قلت له كيفي وش دخلك... بس من الحرة اللي فيني

السلام عليكم كيفكم حوائيات
انا طبعا ساكنة مع اهل زوجي من سبع سنين و محشورة انا وزوجي وعيالي الثلاثة وشغالتي في غرفتين 
والله لا يوريكم ضيق المكان وضيق الصدر
انا جبت شغالة لأني ما الحق اطبخ وادرس انتساب و أسهر لزوجي لانه يتاخر وتوني طالعة من النفاس يعني عندي مولود
جبت شغالة بالشهر خليتها ترتب بيت اهل زوجي وتنظف لهم الصبح وتغسل مواعين الغدا والعشا 
اذا خلصت تصير عندي تساعدني انتبه لعيالي وادرس بنتي وتنتبه للمولود لان عندي ولد عمره سنتين الله يهديه يضربه 
فلااااازم لي شغالة 
اهل زوجي ما جاز لهم الوضع اول شهر وجاني ابو زوجي وقال هذي لا عاد تطب بيتي جيبي الشغالة اللي قبل كانت عندنا
وانا عارفة انهم موصين عمي يقولي لأنهم ما يبون هذي لانها اذا خلصت شغلها قالت خلاص انا بس اسوي الشغل اللي مدام كلام 
لانها لو طاوعتهم ذبحوها بالكرف
وجتني منهدة
المهم زوجي قال مالك شغل فيهم انتي خليها تخلص شغلها وتقعد عندك
انا جربتها 3 شهور عجزت فيها يا ناس بطييييئة وحياتها جوالات 24 ساعة تكلم ان نزلت تغسل المواعين قعدت ساعتين و وسخة ماتنظف زي الناس
ذبحتني
أبوي يدفع 1000 ريال من راتبها وزوجي 500 ريال
طبعا راتبها مقدم
تمت شهر
طبعا انا برجعها وعلى اساس بتجيني بعد يومين 
بيتها قريب من عندنا
فانا مارحت بنتي الكبيرة  وولدي الصغير راحوا مع زوجي
وقلت له لا تعطيها ولا ريال 
وسألني مرة ثانية و ووصيته يا ابو فلان لاتعطيها شي 
خلها بعدين زي كل مرة اذا جيت أخذها أعطيها الراتب مقدم لان هذا طلبها
راحت
ما دريت الا الحبيب 
داق
ترى عطيتها 500 ريال
يا ناس شبيت نار بس مسكت نفسي
وقلت ليه تعطيها
انا موصيتك ما تعطيها شي
قال وخير يا طير
هي سالتني تعطيني الحين وقلت لها طيب
قلت بس انا قاااااايلة لك اصلا انا بغيرها
انهبل
انهبل
انهبل 
يا بنات قام يسب ويقولي انتي تخططين على كيفك وانتي وانتي
وصل البيت بغا يكسر الباب زي المجنون
فضحني عند اهل زوجي عشان شغالة
ليه تغيرينها
وش فيها
على كيفك تسوين وتخططين
قلت انا ما خططت
انا بس قلت بدور غيرها يمكن ألقى 
واذا مالقيت جبتها
بس انت الحين أجبرتني وانا موصيتك
وليش وما آدري ايش
يوم شفتها زودها
قلت اصلا كيفي شغالتي وكيفي انا اللي بقعد معها انت وش دخلك
وهو مثل اللي ما صدق مسك شي علي
 وقال 
احسن اصلا ما عاد لي دخل فيك أحسن 

شفت السالفة طولت
قلت خليني أهدي الوضع
ناديته
قال خير وش تبين ابعدي عني
ويقصر صوته واحسه يسبني
انا قلت انا اللي بسحب عليه
لأني ناديته بوجه سمح و صد عني
خواتي
وش اسوي
هو غلطان ميه في الميه
لأني لو قلت له عن الشغالة قال ما أبيها 
الوسخة وانا بقعد لو مالقيت غيرها
استغفر الله بس
ابي انهي السالفة شلون