ياقلبي الله يفرج همك ويصلح حالكم يارب
حبيبتي ماضاقت الا فرجت لكن ربنا يقول(من يتق الله يجعل له مخرجا ويرزقه من حيث لايحتسب ومن يتوكل على الله فهو حسبه)
ورسولنا صلى الله عليه وسلم يقول -لاأحفظ نص الحديث لكن معناه-( من كانت الآخرة همه فرج الله همه واتته الدنيا وهي راغمه)
يا أختي أعطي نفسك بس ثلاث ايام صلي فيها بهدوء وكأنها آخر صلاة وادعي ربي يصلح دينك ودنياك وآخرتك
اكثري من الإستغفار اول ماتصحي وبعد ماتصلي وقبل ماتنامي ....
وبعدين حاولي تجلسي مع نفسك وتراجعي تصرفاتك مع زوجك (من وجهة نظره) يعني مثلا الموقف اللي في السياره قدام امه لما رديتي بكلمه جرحته لدرجة انه رددها..
حبيبتي صحيح انه اخطئ في حقك كثير وصحيح انه جرحك كثير لكن اعتقد انه يحاول يردلك الصاع صاعين لأنه يشعر انه مجروح ....
ياقلبي لاتنسي انه رجل يحب يكون له احترامه لكن انتي حتى قدام اهله اهنتيه ماطبقتي القاعده الذهبيه (كوني له امتا يكن لك عبدا)
انا ما أقصد انك تهيني نفسك عنده لكن لو احترمتيه ولبيتي كل طلباته وحسستيه انك ممتنه له وانه مكانته كبيره عندك وفي بيته كان احترمك ودور على رضاك...
يا عيوني لا تخلي الشيطان أو اي احد يفرق بينك وبين زوجك...
المهم انتي هذي الأيام حاولي ماتحتكي فيه بالكلام لكن لاتقصري في واجباتك وخلي همك انك ترضي ربك وتتقربي لله بالصلاة والذكر والدعاء
وبعد كم يوم صلي الإستخاره انك تتكلمي معاه ، وبعد كذا البسي واتعطري وروحي لزوجك وقوليله نحنا نحتاج نتكلم مع بعض ...وابدئي امدحيه ...مثلا انت رجل شهم وكريم وتخاف الله ...
وبعدين شوفي الأسلوب المناسب اللي تبدئي فيه عشان توصلي انكم تتحاوروا بهدوء وتعرفي ايش اللي مضايقه
وتبينيله انه بعينك زوجك وحبيبك وانه السكن والإستقرار...
اسأل الله ان يكتب لك مافيه الخير
الله يجزاكم كل خير ويحرم وجيهكم عن النار ويحقق لكم أمانيكم ويفرج همومكم ويوسع صدوركم اشكركم اخياتي واشكر كل من نصحتني او دعتلي
الصفحة الأخيرة
الله يسخرة لك ولا يشوف غيرك بحياتك ويكبر حظك يااارب
نصيحة عيشى للعمرك الله يعافيك