كيف الغاليات والله اشتقت لكم حيل لي اربع ايام ماادري عنكم كنها اربع سنين
المهم ابشركم تزوجت اختي طبعا هي معكم هنا في المنتدى
وحبيت يكون لي لمسه خاصه في زواجها طبعا هي سبق سوت لي توزيعات ونا في النفاس وحركات حلوه لتقديم الحلى والمعجنات وقلت جاء الوقت الي ارد لها معروفها علي
قلت يابنت شغلي مخك وفكري جاء في بالي اصلح سلة تقديم حلى ونا الي اكب عفشي كله ومن هنا وهنا طلع عندي العمل الفني هذا والي كنه قلعه وهذي صورتها يوم هي بشباها قبل لا يقربعونها البزران
فكرته قاعده خشبيه لبستها خيش وبعدين لبسته تل وبعدين سويت ثلاث ادوار وكانت عباره عن مجموعة كراتين انا مالقيت الحجم المناسب فاجبت كرتون شاهي ربيع حبتين وكرتون اندومي وقصيته مع الجنب بطول الي ابيه وحطيت مجموعه من كراتين الفاين المهم رتبتها بطريقه حلوه ومناسبه بعدين لبستها قصدير وزعت على الجوانب وورود مجففه حاولت احط لها حافه مع الجوانب لقيت عندي مجموعة عصيان قصدرتها ولزقتها مع الجوانب وصفيت عليها وروود مجففها طبعا انا حطيت لونين اصفر وبرتقالي
في الزايا حطيت صحون ذهبيها شكلها مره حلو مع بياله بس حديد ومشخله هذي كذا شكلها منظر كانت عني في وسطها اكواب قزاز المهم لصقت اصحن ولصقت عليها الشبك الذهبي الي كنه ابايله وحطيت في وسطه شموع بنيه كانت ريحتها موت كانت قهوه ممزوجه بريحة الشكولاته
المفروض ان حنا انوزعه مع القهوه مامدانا عليه حطيناه عقب العشاء مع التوزيعات
وش رايكم فيها يابنات طبعا فيه جزء مكنه ماكول هجمو عليه البزران قبل لااصوره
وبشركم عقب العشاء اصبحت القلعه في خبر كان تكسرت كلها ومابقى غير القاعده البياله في وحده زياده عند اهلي اصورها لكم وومريكم شكلها بس ابي رايكم فيها وبصراحه
الف مبروك زواج اختك والله يوفقها ويسعدها ان شاء الله