قلق الأمهات .. تعبت منه

بسم الله


بنات انا عندي قلق شديد على بنتي، بنتي هذي عندها مشاكل صحية بسيطة الحمدلله لكن مستمرة مثلا معها مغص من سنة تقريبا يروح ويجي حللناها واشعة وكل شي سويناه كل شي سليم ويجيها رعاف شديد مفاجئ وعندها مشاكل في اللوز ايام الشتاء بس مشكلتي الحين من اشوف وجهها متغير تضيق بي الدنيا اتعب معها اذا انمغصت مدري وشلون اوقف عن القلق والتخيلات من مثلي وكيف تعاملتي مع هالقلق ؟ لان اذا تحسنت اصير في دوامة لمدة كم يوم واترقب واراقبها تعبت جدا وش اسوي بالله احيانا معد انام زين !!! ؟؟؟ شخصيتي قلقة اصلا وهالبنت بالذات من بين عيالي تتعبني واخاف عليها لان تعبها شين وتدوخ دايما اذا انمغصت وتنوم وهي تعبانة ممغوصة حللت سكر وكل شي يخطر في بالكم وكل شي سليم وتحاليل الدم زينة برضو.. اتوقع قولون عندها او بسبب الامساك لكن مشكلتي فيني انا وش اسوي .. ؟
لا اله الا الله