قل التواصل بيننا... واكتشفت اني سبب نجاح زواجي سابقا

يااااااااااااارب تردين زي اول واكثر
ابسام عبدالله:26:

الله يرحم حالك---ويحسن اووضاعك---ويهدينا ويرزقنا بر الوالدين

الله يجعل حياتكم كلها سعاده

الله يهديك

هاي حالة ملل وفتور تصيب العلاقة الزوجيه مب شرط تصيب الزوجين معا ولكن ممكن تصيب الزوجه ولا تصيب الزوج او العكس
الحل اختي تعوذي من ابليس واسترجعي كل الذكريات الحلوه اللي قضيتيها مع زوجك وبنفس الوقت لا تكتمين اي شي في قلبك وتعدين اي شي لو صار نقاش او زعل بينك وبين زوجك حاولي تحلونه بنفس الوقت وبشكل راقي وهادي ترا ساعات تكون كلها تراكمات لاشياء تافهه وبسيطه توصل لانها تصير شي كبير مترسب داخلك
حاولي بعد انك تعطينه دوره كرجل يعني اذا كان معتمد عليك ببعض الامور اللي المفروض هو يسويها تفاهمي معاه وبالتدريج وبدون مشاكل خليه هو اللي يسويها مب انتي لا تخلينه يعتمد عليك بكل شي ترا بتتعبين والا ليش القوامه للرجل لانه هو اعصابه وتفكيره غير عن المرأه يختي كافي عليك هم العيال والتدريس والبيت والخدامه والوظيفه بعد تشيلين مسؤوليات اكبر من حجمك كأنثى !!!

هاي حالة تمرد بداخلك تقولك رجعي الامور لنصابها الصحيح وعطي كل واحد دوره بما فيهم نفسك سوي اللي عليك وواجباتك كزوجه وام وبسسسسسس وبعدين بترتاحين

انا اقولك هالكلام لاني مريت بنفس اللي تحسينه كنت سعيده وكان زوجي الاسعد مني بتضحياتي وقيامي بكل شي بس بعدين حسيت نفسي مخنوقه وتعبانه ابغي احس حالي حال حريم خلق الله بالدلع والاتكاليه على زوجي وبالفعل بعد ما رتبنا الادورا حتى بالنسبه للمشاكل وطريقة حلها حسيت براحه تنازلي اختي بس مب على حساب نفسك وبكل مره لا خليه هو بعد يبذل ويعطي مثل ماتعطين اذا كان يحبك ولكل رجال طريقه تناسبه شوفي كيف الطريقه اللي تناسب زوجك واستعمليها معاه

الله يفرج همك اختي واحسن شي انك عارفة فين المشكلة بالضبط وعارفة الصح الله ينور عليك
تذكرت معلومة حلوة قريتها في كتاب النساء من الزهرة والرجال من المريخ..يقولك ان المرأة تحب العطاء بلا حدود لكن يجيها حالات في الشهر (مو ضروري تكون وقت الدورة) تسأل نفسها وتقول ليه انا دائما اعطي وهو لا وتبغى مقابل لتضحايتها..والرجل ما يفهم سبب نرفزتها وضيقها فهو يشوف انه يقوم بواجباته على اكمل وجه وهي تقوم بالمقابل لا اكثر!!