قمة الاحراااااااااج

تقول كلمة عذر شرعي وخلاص .

اقول (مالي صلاة )وبس وهم يفهموا

أنا أستحي مرره ولو إيش ما أقول ومرة من المراير كنت مسافره مع أخوي وزوجته وبعدين عياله شافوا صحراء فيها طعوس قالوا إلا ننزل نلعب فيها قال طيب منها نصلي ويلعبون هم
عاد أخوي قال يالله جماعه وانا وين أودي روحي الحين قمة الإحراج
قلت مالك إلا تقومين وتجلسين وراه كنك تصلين وقاعده أقوم بس وأجلس معهم وفيني ضحكه لحد ما سلم الله يطول بعمره ماصدقت وألتفت يمين ويسار وزوجته تقول الله يقطع شرك ماسكه ضحكتي بس

ما اذكر انها صارت لي بالسفر واضطر اقول لاخوي او ابوي بس لو اضطريت وحصلي الموقف اتوقع اني اتجرأ واقول اني ما اصلي عاد هو بيفهم

بس ذكرتيني مره كنا مسافرين كلنا وطلعنا للجبال وجا وقت الصلاة وابوي واخواني قامو وصلوا على الفرشه ويوم خلصوا

قعدوا وقامو امي واخواتي يصلون وانا الوحيده الي ماقمت خخخخخخخ موقفي محرررج عند ابوي واخواني لانهم كانو ساكتين مايسولفون يعني منتبهين لي حسيت انه مكتوب على جبيني عليها الدوره خخخ



وفيه موقف ثاني لي مره كنت بالسوبر ماركت واخوي راح يشوف الجوالات فيه محل جوالات وانا واختي قلنا بناخذ اغراضنا ونحاسب ما امدانا نمشي وناخذ بعض الاغراض بقي الفوط الصحيه وهو يجي قال يله خلصتوا قلت ايه ورحت للسيب الثاني ورجعت بسرعه ما اخذت شي شكلي نكته ههههههه عاد اخوي عرف السالفه قال اروح للسياره وتجون ؟ قلت لا لا بنطلع من قرادتي قلت لا هو اكبر مني لو انه اخوي الي اصغر مني عادي اشتري واحط بالسله وهو ماسك السله مع انه كبير بالعشرين بس مدري عشانه اصغر مني اتجرأ اكثر

خخخخخ صارت لي كثيييير واحياننا اصلي قدامهم
المشكله اني مرررره دخلت الحرم تخيلي وانا وضعي مايسمح
بس كنت انا وابوي واستحييت اقوله ووقتها ماكنت ادري انه مايجوووز
ادخل الحرم ههههههههه يارب تغفر لي
بالنسبه لك قولي ماعلي صلاه وخليك جريئه