قمنا نطيح واحد ورى الثاني

ماني عارفة كيف ابدأ
في قلبي غصة غصة وحزن قوي
تغير الحال علينا بعد ماكنا مضرب مثل في الراحة والعز والسعادة

فجاءة زوجي كرررره العمل عمله اللي يشتغل فيه من سنين ومتفاني ومخلص فيه صار يشوف البذلة كأنه يشوف ابليس ومقدر يرتاح لين فصل


وانا فجاءة طحت في الامراض وعيالي 4 بدأ الصغير بمرض غريب لين وصل لاخر واحد قبل اسبوع
ال2 الاخيرين فجاءة يفقدون الوعي ويغمى عليهم
زوجي فجاءة جته 5 امراض مع بعض وانا والله فقدت العافية
والديون صارت من كل جانب
وزوجي ماهو صغير عمره 49 من بعد مافصل ماندم على وظيفته الاولىى لان جته زي الحالة النفسية وماراحت الا بالفصل وصار كل مايمسك وظيفة يتعب وترجع له الحالة وماتروح لين يفصل او العمل يفصلونه من عندهم
والحين له كم شهر يدور وظيفة ماقبلوه عشان العمر
اناظر فيه قلبي يتقطع عليه على بداية الخمسين واحس الهموم ثقيلة عليه خايفة عليه من الاكتئاب
يقول ماعاد اقدر اناظر في وجيهكم من الفشلة والحيا
احس اني تعبانة واتمنى اموت وحتى همي مدري وين اروح اشكي انا مريضة وعيالي مرضى وزوجي مريض وديون وفقر ومشاكل من كل جهة

انا متأكدة مليون بالمية سحر والا حسد بس وش اسوي اقرأ قران واسوي اللي اقدر عليه بس احس اني مخنوقة مرة مرة مرة والله اني اكتب وانا ابكي

ودي اهرب بس وين ابغى انسى همومي انسى المصايب اللي انا فيها

كتبت ماابغى حلول ابغى بس دعوة من قلب صادق ان الله يرحم حالي ويفرج عنا يمكن فيكم انسان قريب من الله