هلا والله بالمذيعه اللامعـــــــه........

وش هالاخباااااااار اللي تفتح النفس

بجد موضوع حلوووووووو كثير

تسلمين ياعمري
:27: :27:

ما شاء الله عليكن رديتن بسرعة


ملاحظة::
المذيع يقول ما ارد عليكم الين تخلص النشرة:32:

والآن بعد ان استمعنا الى أخبار العراق وصدام..نتنقل الى الخبر

الثالث في النشرة:

بابا الفاتيكان يقول للفسطينيين واليهود .. اها عاد اعقلوا ..

والآن هاذا التقرير منعزيَزة أبو مرقس

أعلن البابا يوأنحن (صار شقراوي ) اخخخخ ـ قصدي ـ يوحنا بولس الثاني
دعمه ومساندته وفزعته ولو ان ماعنده الا الضعوي لوضع قوة حفظ سلام دولية تفك الهواش اللي بين فلسطين واسرائيل
وقال شايبهم ان القشارة والمطاق والمجالد مهوب سارّ ٍ أحد وأن ضرره أكثر من نفعه
وان المجتمع الدولي لازم يتوسط في الموضوع لأن كلش ٍ هالحين مايمشي الا بالوسايط
واللي ماعنده واسطه يبي ياكل تبن ـ وانتم بكرامه ـ

عاش واقف
ويقول مراسلنا عزيّز مرقس الثالث :) ان البابا يقول انه ضايقٍ
صدري هالصيفية ومنتك وأونس من جنس الحرورة في المعده و أحس اني مانيب أخو شمّا
وان على تسبيدتي
مثل المِرّ تسنّي شارب ٍ لي لبينة ٍ مخورة ،
كل ذا بسبة المذابح الاخير بين الفلسطينيين والاسرائليين ( الا بسبة ان عدادك قلب ثلاث مرات )
ثم قال متى تعرفون ان التعايش السلمي
بين الفلسطينيين واليهود مايجي بالقوة ولا السلاح أبد .. لو تحبون السماء
ويقول بعد ان هالجدار اللي يعمرونه اليهود ماله سنع ولاهوب سارّ وخسارةٍ نافده
ثم أعرب عن تعاطفة مع المسيحيين في الشرق الاوسط ( اخس يالحنيّن )

والله مايدري هو فيه والا في الخيشة
وبما انه مايعرف للشياب الا الشياب نبي ناخذ راي أبو عزيّزه في حتسي البابا
: هاه يابو العزّيه وش رايك
رايي ان هالشايب ماعنده ماعند جدتي ،
والحتسي هويّن كل ٍ يعرف يحتسي

ولو أبي انا حتسيت حتسي ٍ أزين منه وهه اسمع : لابدّ من إستحداث خطط سلمية مؤطرة بعبارات واضحة بعيدة كل البُعد عن العبارات الفضفاضة والجمل الانشائية المصبوبة في قوالب المجاز حتى تضمن كافة الاطراف الأمن والاطمئنان والعيش الهنيء الرغد البعيد عن المنغِّصات ، شفتوا اني أعرف أحتسي و أتفلسف أزين منه و تسان فيه خير يروح يفكّهم والا ينطم وينثبر
ويدوّر له مشراقٍ يتمدد فيه كل ضحى الين يفطس
بما انك فاهم ماشاء الله وتفتّ ورا ماتجي بابا بداله ترى الدعوى سهله كلها شايب وطاقية ٍ شامرة واقعد تميوت وانت تمشي

أقول : اها بس انطم معه ولا يكثر .

هلالالالا بنوته خطيره هالاخبار خخخ

لالا ذكرى وانت الصادقه تقرب لمرزووقه بوووش

هههههههههههههههههههههههههههه

وش خليتي لهم بنوووووووته تسلمين على هالنشره الحلوه

<<<<<<<<<<< من اليوم تبي تتابع قناتك وتترك الجزيره ههههههه

دام هاذي اخبارك

وضحى جون اجل هااااااااااااااه ههههههههههههههه الله يرجك

اكيد ابن عجلان مذيع النشره الجويه هههههههه

خلاص بعد هالنشره الرهيبه
والاخبار الحلوه بشيل الدش واقعد انتظر اخبارك الحلوه

على الاقل فيها شوية ملح بدال البهارات حقت الجزيره وCnn و bbc
تسلمين لنا بنوته كنج

ههههههههههههه