والرياض تسمي أحدى شوارعها على صاحب هذه القناة

حسبي الله ونعم الوكيل فيهم
ماعندهم حياء ..!!!!!!!

ما اعرف انتوا ليش ما تشووفوا الحسنات بس تشووفوا السيئات ...

الرياض سمت شارع من شوارعها باسم هذا الرجل ... لانه

مثال في الوطنية ... واحد غيره كان اتهنى بفلوسه لوحده .. و ما عمر بلده ..

لانه بنى مساااجد لبلده

و شارك في مشرووع وقف القرآن الكريم بالمدينة المنوورة

غير كدة ما شاء الله كان يعمل عمرة كل سنة و يتبر بالملايين بكل سنة ...


لازم تعرفوا انه الانسان مو ملاك بقد ما عنده سيئات عنه حسنااات ...

بس اي كفة ترجح اكتر .....؟؟

الصراحة في ردود كتير صدمتني بخصوص هذا الرجل ... الي قلة نلاقي زيه ...

حطو الفيوتشر على نجب ... و شوفو الاشياء الكويسة الثانية ....

لازم ما نعمي عيننا عن الحقائق ....

و بالنهاية هو مات ميتة الشهداء .. و صار عند ربه ... ما نقدر نسوي غير اننا نترحم عليه ...



تحياتي

نجوم الليل وش هي أعمال الخير الي صلحها
وبعدين أمواله من وين ومين اللي أعطاه المال
حالك حال غيرك مالك الا الظاهر
الله يخلي السعوديه اللي تصدقت عليه وعلى غيره وألامن وين يقدر يفتح قناه المستقبل
وأن صلح عمل خيري في السعوديه من مالنا وحلالنا
وبعدين كيف مات ميتت الشهداء
كذا الشهيد يموت بنظرك

هلا عزيزتي

بقولك انت لا تشوفي الظاهر الله يخليك

انا قرأت انه كان يتصدق بالسر دايما ... و هذا شي قرأته في الجريدة امس و صاحبه قال عنه

و بعدين الاموال الي اخذها من السعودية من عرق جبينه ... من شغله ...

و ياما عمر مساجد في لبنان و اهتم بالتعليم ... يعني ما صرفها في اشياء سيئة بس ..

و لو واحد غيره كان زي ما قلت ما اهتم ببلده و كان سافر بررة و اتمتع بثروته

انت اقرأي عن سيرته و بعدين احكمي الله يخليك ...

راح تلاقي الطيب اكتر من السيئ ..

كل بني آدم خطاء ...

بس شوفي ايش الي اكثر الحسنات و لا السيئات ...

و لا تحكمي على الشخص من غير ما تعرفيه ....

و بعدين انت شوفي الشعب الي مشي بجنازته ... تعرفي ايش هي الخيرات الي سواها ...

و هو ما اتنكر للسعودية كان دائما يقول " لحم كتافنا من خيرهم "

و كمان عمل اعمال خيرية بالسعودية ... مثل مشروع وقف القرآن الكريم و ان شاء الله الاجر يناله من كل قارئ ..

ما ادري بس ليش انتوا بتتهجموا عليه .. فكرت حقيقة و ما لقيت سبب غير انه لبناني ... و طبيعة السعوديين يحبوا يتهجموا على غيرهم ... مع احترامي الشديد ... بس هذا واقعي الي انا شايفته ... و الي لمسته ...

حتى و ان انت ما اعتبرتيه شهيد .... هو صار عند ربه .. و هو الوحيد الي يحاسبه ...

كل الي اقدر اقووله ... انه ان شاء الله ربي يغفر له سيئاته و يضاعف له حسناته ...

و ان شاء الله ما تزعلي من كلامي عزيزتي ... بس كمان لازم نكون واقعيين شويا ... و ما نعتبر انه الانسان ملاك ..

و ربنا رحيم بالمسلمين ... و هو الله يرحمه كان يمثل المسلمين السنيين في بلده ...

و هو الي اعاد الاستقرار و السلام و لو الله ما سخره لبده .. كانت فضلت خربانة و مدمرة ..


.....

على فكرة يمكن تشوفوني ادافع عنه في كل موضوع بس سامحوني لانه ميته فعلا اثرت فيا .. و كمان لما قرأت عن سيرته الذاتية مرة كبر في عيني .. يعني فعلا رجل عصامي .. و مكافح ... و غير كدة مررة تلاقوا اللبناننين الي متمسكين بالدين قليل .. و هو يعتبر ديين مقارنة بغيره .. و هذا الشي سمعته و قرأته كتير .. و كان دينه يبان في صدقه .. و في اخلاقه

تحياتي