قناة مدمرة لعقول اطفالنا وتخريبهم كل ام راعية ومسئولة امام الله

فعلا ام بي سي تدمر عقول اطفالنا الي من عمر سبع وفووق وطيور الجنه كمان دمرت عقول عيالنا من عمر شهر لحد مايدخلو المدرسه البزوره انربطت السنتهم ومايتكلمو زي اول بس حافظين اغانيهم الله يجزاك خير ياختي الي تبي عيالها نصيحه تحذف كل قنوات الاطفال وتترك سبيستون فقط وتحت اشرررافها وش زيننا اول نلعب ونضحك ومؤدبينوحنا مانتابع غير القناه الاولى وبرنامج سلامتك يعني لاحذفتوها عيالكم ماراح يموتون .

الصراحة كلها قنوات فساد انا كنت دئما احط لولدي قناة كرتون نتوورك ولاحظت علية صار يلعن على الطالعة والنازلة وحذفتها بدون مايحس لاننا كنا طالعين اجازة قلت فرصة مع اللعب والوناسة اكيد بينسى والحمدلله رجعنا بيتنا والى الحين ماتذكرها

لاحول ولاقوة الا بالله

صادقه والله مامنها الا الشر
يازين قناه سمسم بس

وين إنتي الله يصلح ذريتك إم بي سي من زمان واضح فسادها ولفتي انتباهي لبرنامجهم عيش سفاري فعلا كيف الأهل يرضون لبناتهم يختلطون بغيرهم لهالدرجه معقوله ماتت قلوبهم وماعندهم أدنى غيره ولا إحساس بالمسؤوليه تجاههم أمام الله !!! أنا حذفتها من عندي هي وقنوات كثيره نيتوورك وجميع القنوات حتى سبيس تووون إنتبهوا ترتاحون لها كيف تعودون عيالكم عالموسيقى عالطالعه والنازله فواصلها تجيب المرض من كثرتها والموسيقى الصاخبه اللي فيها وثانيا شفت بنفسي فيها توم وجيري يجيبون حلقات فيها قذاره وإيحاءات جنسيه ماكننا نشوفها وإحنا صغار دخلت على بنتي وكان قبل تدرس ولقيتها خجلااانه وشوي تناظر وشوي ثانيه بتسكر وجهها من الحيا وطوالي إنتبهت للي معروض في توم وجيري قلة أدب وإحترام للمشاهد على طول حذفتها أنا مااقدر أقعد بس اراقبها طول الوقت اكيد أبنشغل وأكيد طيور الجنه كنت من مؤيدينها لكن شفت النتيجه السيئه منها على أطفالنا وعقولهم ودينهم حذفتها أيضا
خليت الجزيره للأطفال وبراعم في أوقات ضيقه جدا وبسمه المجد رائعه جدا ومريحه هذولا فقط الي أرتاح لهم
قنوات الأناشيد كلها حذفتها مو زينه للأطفال عقولهم توها تتلقف وتمتلئ بماتتلقاه فمن غير السليم إنك تملئينه بأناشيد لاتفيدهم في مستقبل لا حاضر أشغليهم ببرامج الأذكار والقصص الإسلاميه وإغرسي فيهم كل شي طيب من الآن لاتقولين صغار لأنك ستندمين إذاكبروا ماعادت عقولهم تتقبل غير اللي تعودت وتربت عليه