القمورة أمورة :

مشكورة غاليتي .. كلامك كله درر.. جزاك الله خير.. والله يزيدك من فضله ويوفقك ويجعله في ميزان حسناتك.. :26:

مشكورة غاليتي .. كلامك كله درر.. جزاك الله خير.. والله يزيدك من فضله ويوفقك ويجعله في ميزان...

عيون سعد :

مرحبا حريم و بنيات حواء: مشكورات على كل كلمة حلوة منكن ،، مشكورات مشرفاتنا العزيزات على هذه الثقة ... بصراحة يالغاليات كان هدفي من هالموضوع ،، اني أوضح للبنات الي دايما ينتقدون و يقولون ليش ما تراعون الي عندهن مشاكل و المطلقات و التعيسات ،، حبيت أوضح ان مهوب كل بيت خالي من المشاكل ،، ولا كل وحده تضحك في وجهك مبسوطة ،، بس الفرق انه فيه ناس يحاولون و يبحثون عن حلول بعد ان يلجأون الى ربهم ،، وناس تيأس و يسيطر عليها الشيطان و تقول عجزت الا مشكلتي ما لها حل ،، يعني لازم تكون عندنا أرادة و عزيمة و نحط في بالنا انه اذا ما حلينا مشاكلنا بأنفسنا ما فيه أحد راح يحلها لنا ،، طبعا أنا ما أقول لا تطلبين المساعدة لكن جربي مساعدة ربك أولا ،، وصدقيني راح تغنيك عن أي مساعدة.... يعني يابنات الي أبغى أوصل له ،، انه مهوب معناه أني أكتب لكم حركات و مفأجات سويتها لحلالي انه هو همي الاكبر و شغلي الشاغل ،، بالعكس أنا لما أسوي له حركات فأنا أحس اني أعوضه عن ما فات ،، و هالحركات و الافكار من الحاجات الحلوة الي أضفتها الى حياتي الجديدة و راح أستمر فيها لانها فرحت حلالي و بسطته ،،و الحمدلله انا مراعية ربي في كل أموري في كل ما أكتب و في كل ما أسوي و اتمنى انه يكون راضي عني لاني ما أكتب موضوع و لا أنزله الي بعد ما أستخيره و أستشيره بالدعاء و سبحان الله يسهله لي و يفتح على قلبي فأنزل هالموضوع بعد ماأكون ترددت شوي ،، و يكون في العلم ان فيه مواضييع فكرت فيها ثم كنسلتها بعد ما أستخرت ربي بس ما حسيت اني مرتاحة لها ... و بصراحة يكفي السنين الي فاتت و ضاعت ،، و أعتقد اني أستحق اني أفرح و أنبسط بعد كل ما عانيت ،، و حقي عليكن انكن تشاركوني في فرحتي و تدعون لي ،، و مشاركتكم ترجمتها بأطلاعكم على بعض الحركات و الأفكار الي سويتها و ردودكن الحلوة عليها .. معليش حاجة في قلبي حبيت أطلعها لكن و ارتاح ،، و رجاءا خاص لكل من دخلت و ما عجبها أي موضوع من مواضييعي ترحمني من تعليقها أو ردها الي ممكن يجرحني ،، لان الاذواق مختلفة و لو أختلافها لبارت السلعة ،، الا اذا كنت فعلا أخطات فياليت يكون على الخاص توضح لي خطأي لانها ممكن تكون فاهمتني غلط و مشكورة مقدما.... و الله يفرج على كل مهمومة كربتها يارب ..... الحين خلونا نرد عليكن وحده وحده: ميس و أسيل: هلا و الله ،، أتريك من الي يتطقون على الاول ،، يا حليلك ذكرتيني بالمدرسة ،، بانتظارك ياشاطرة... أخت أخوها: تسلمين حبيبتي على هالكلام الحلو الي يوسع الصدر ،، أحبك الله و ان بعد ترى حبيتك من الحين... ميس و أسيل: هلا و الله ،، ضحكتيني ووسعتي صدري بخفة دمك الله يسعدك ،، حبيبتي لا عقبة و لا شيء انت أنظري الى الرجل على انه بشر مثلنا له مشاعر و أحاسيس بس طريقة تفكيره غير عنا يالحريم و بالتالي طريقة تعبيره تختلف ،، يعني فيه رجل ما عمره قال شكرا لحرمته لانه يعتقد انه في أنفاقه عليها و تلبية طلباتها تعبير لها عن أمتنانه و شكره لها على كل ما تقدمه ،، فأنت لا تنتظرين أي مقابل حتى تفرحي به اذا جاء ،، اما سالفة انه يصقعها بحرمة ثانية فعلشان كذا مسوؤليتها أكبر فهي ما تقدر تغيره أو تأخذ عليه ،، و يسلمك ياربي ،، الا باضيفك لقائمة الاصدقاء يا حلوة.... ليناقمر ليالينا: هلا ياقمر ،، تسلمين على هالكلام الحلو و مشكورة على المتابعة الي تشرفيني بها... جودي: تسلمين يارب ،، والله يحياك يارب... ماما نت: تسلمين حبيبتي ،، كلامك صحيح 100 % ... من بنات الريح: هلا بك ،، و انشاء الله أكون أفدتك ،، و انا مستعدة و حاضرة بس قول لي وش تبغين بالضبط و انا أحاول أساعدك ،، بس طبعا تشرحين لي كل ظروفك و اذا بغيت على الخاص عادي ،، بالنسبة للافلام الهندية والله كنت مجنونة أفلام هندية و بس أجمع في هالاشرطة و المجلات و الصور لا و أحفظ أغانيهم و أقلد رقصهم كنت في غفلة على بالي هنود وش بياثرون بس والله عشت في خيال مزيف من الرومانسية و الاحلام الوردية الي أحاطتها بنفسي و صرت ما أقبل الا بحركة رومانسية مثل حركاتهم و كلام حلو و تنهدات مثلهم لدرجة اني ما ارضي باي محاولة من حلالي لا و استخف بها ،، الى ان فتح الله على قلبي والحمدلله عافاني و صرت أكرههم و لا أفكر فيهم... دنيا العجب: الحمدلله ،، الله يثبتنا جميعا ،، ترى كلامي مهوب خاص بالمتزوجات فقط لانه حتى البنات عندهن مشاكل ،، الله يوفق الجميع يارب.. ام فيونة: ماراح تحس بلذة ما كتبت الا بعد ما تجربين ،، يالله همتك.... اجا الليل: الحمدلله ،، كلامك معناته ان الي سويت صح ،، الحمدلله و الله يثبتنا و يعيننا... نجمة سماء: تسلمين ياحلوة ،، انتي أرووووووع... غادة الكميليا: تسلمين ياقلبي ،، و انا أحبك و الله ،، و أفرح لما أشوفك في مواضييعي ،، مشكورة على المتابعة.... مريم جوردي: مشكورة حبيبتي ،، و مبروك عليك حل أزمتك ،، و العذر و السموحة كان ودي أرد عليك في موضوعك بس والله مادري وش فيني مشغولة و مهوب مشغولة..... القمورة أمورة: تسلمين يالغالية ،، بعض ما عندكم... السيدة ماما: تسلمين يا قلبي على الكلام الحلو..... راس المال: تسلمين يا حلوة ،، هاهاهاها وش متخيلتني قولي يالله ،، و انا بقولك ايه او لا ،، بس لا تزعلين اذا كنت مهوب نفس الي انت متخيله... راجية عفو ربي: تسلمين على الكلام الحلو ،، يارب يخليك... لقيت روحي: هلا و الله و غلا ،، موضوعي منور تسلمين يالغالية.... فديت بناتي: تسلمين يارب ،، مشكورة و الله يخلي لك بناتك و أبوهم.. نسيم الود: آمين يارب ،، تسلمين يارب... أم مسلم: تسلمين يامشرفتنا الغالية ،، ووجودك شرف لي و دليل اني كل الي سويته صح ،، مشكورة على المرور و الرد.... القمورة أمورة: هلا فيك مرة ثانية و مشكورة على المتابعة يالغالية.... gaamra : مشكورة على هالدعوة الحلوة ،، آمين يارب و للجميع... أم الثلاثة: هلا و الله ، مشكورة و الله يخليلك الثلاثة و أبوهم... اهات حزينة: هلا و الله ،، طمنيني حبيبتي وش أخبارك؟؟؟ ولهانه عليك ... حبيباتي :: تسلمون والله على هالردود الحلوة ،، و الله ما توقعت هالحماس لموضوعي ،، و الله كتبته البارحة و ارسلته و سكرت وما فتحت الى اليوم قبل العصر ،، و ما أقدر أوصف لكم فرحتي يوما شفت كل هالردود و على صفحتين بعد الحمدلله الله ينفع بما أكتب ،، وانا قاعدة أكتب دمعت عيوني لاني حسيت ان كل الي سويته له معنى و جاب نتيجة الله يخليكم لي يارب و يخلي لي تواصلكم الحلو يارب .... و سلامتكم ....

مرحبا حريم و بنيات حواء: مشكورات على كل كلمة حلوة منكن ،، مشكورات مشرفاتنا العزيزات على هذه...