قناع رهيب ومضمون

مرحبا بنات...
شحالكم؟ هذي اول مرة اشارك بالمنتدى مع اني صارلي اكثر من سنة متابعته.
ابغي اخبركم عن شي وايد حلو عبارة عن قناع للوجه ولاي جزء من الجسم وهو امن وايد وماله اثار جانبية لانه طبيعي اميه بالميه...
مقادير القناع:
شوية حمص مطحون+ملعقة صغيرة عسل+حليب للعجن+ملعقة صغيرة ماء ورد.
الطريقة:
تخلطين كل المقادير مع مراعاة انه قوام القناع يكون ثقيل
وبعدين تحطينه على المنطقة اللي تبغين تفتحينها بعد ما تكونين مسويه سكرب خفيف الها
وتتركينه لين ما يجف بعدين تغسلينه وتحطين الكريم المرطب اللي متعوده عليه.
اللي خبرتني عنه وحدة مغربية تشتغل بالصالون اللي اتعامل معاه.
بصراحة انا شفت النتايج عليها وانبهرت لانها سمره وافتحت وايد عليه.
سالتها عن المدة اللي يحتاجه القناع عشان تبين نتايجه فخبرتني من اول استخدام بتحسين بفرق ولو كان بسيط.

وعلى فكرة شي وحدة هندية معاها بالصالون بشرتها حنطية ولونها وايد حلو خبرتني عنها انها استخدمته بعد وبينت النتايج عليها بعد.

فاعتقد انه يصلح لمعظم البشرات واللي يطمن انه من مكونات طبيعية يعني اذا ما فاد ما بيظر.

وسلامتكم...