السلام عليكم ورحمة الله وبركاته
مساء / صباح الخير
اخباركم إن شاء الله بخير ..
اليوم جايبه لكم قناع للبشره يجنن حبيت افيدكم مثل ماستفدت منه
يفتح البشره ويرطبها وتشوفي النقاء والنعومه معه > جربته اكثر من مره رهيب صراحه
غير ان مقاديره مره سهله وغير مكلفه وطبيعيه 100 %
القناع (الماسك) عبارة عن :
مقاديره :
- حبة ليمون كامله بقشرها مقطعة قطع صغيره
- نصف حبة برتقال بقشرها مقطعة قطع صغيره
- نصف فنجان زيت زيتون (استخدمت زيتون الجوف)
الطريقة :
تخلط المقادير جيداً مع بعض في خلاط كهربائي لين تصير مثل الكريم
بعدها تحطين القناع على بشرة الوجة والجسم وتخلينها لمدة ساعه ثم تغسلينه
راح تلاحظين الفرق من يوم ماتغسلين القناع
لزيادة العلم :
ترى هالقناع يزيل الخشونه واللون الغامق من الكوعين والركبتين والابط والرقبه واليدين
لانه يقضي على القشره الميته ويساعد في ظهور القشرة الجديدة
وايضاً يغذي البشره ولانه فيه ليمون وبرتقال (يمتازان بتأثيرهما القابض للبشره) فتبدو البشره ناعمه وصافيه
* اخلطي المقادير زين لين يصير مثل الكريم
لان القناع يتعب شوي إذا كان ما انخلط مره
انا احيان ازيد كميه زيت الزيتون عشان ينخلط
ولاتتحركي وانتي حاطته خليك مسترخيه لانه يتنثر ويطيح اذا ما خلطتيه زين
وإذا بتتاكدين من كلامي ومن مفعول القناع حطي شوي منه على خدك واقعدي ساعه بعدها اغسليه
وشوفي فرق اللي انتي حطيتي فيها القناع عن باقي الوجه
القناع يستخدم مره بالاسبوع فقط
حبيت افيدكم بشيء جربته ونفع معي جربوها قبل العيد وادعولي
الوصفه من كتاب جميل
عاد ابي اشوف تجاربكم مع القناع =)
وابي دعواتكم الطيبه بظهر الغيب لاني جداً محتاجتها =(
احتاج دعمكم وتقييمكم بموضوع المشارك بالمسابقه (التقييم على الرد رقم 2)بما اني تعبانه عليه وجعل من تدعمني ربي يسعدها ويبارك فيها ويرزقها بما تتمنى
وهذا رابط المشاركه رقم 2
http://forum.hawaaworld.com/showpost.php?p=82161759&postcount=2
والله لا يحلل ولايبيح اللي قيموني احمر
(حسبي الله ونعم الوكيل على اللي تقيم احمر وانا مواصله وتعبانه ع الموضوع ) =(