قهرتني ،، حسبي الله ونعم الوكيل ..

السلام عليكم ..
يا أخوات أنا موظفة والحمد لله معروفة في عملي بالجدية والاجتهاد والكل يثني علي بحمد الله ..
اللي حصل اليوم إنه كان فيه اجتماع لنا مع المديرة وعرضت عليها فكرة برنامج جديد أبغى أنفذه ،، وتخيلوا بدل ماتشجعني جلست تضحك وتتمسخر وتكلمني بأسلوب بايخ قدام زميلاتي وتقول لي من سمح لك تسوين برنامج زي هذا ،، مع إن فكرة البرنامج عجبت زميلاتي كلهم وأثنوا عليها وقالوا فكرتك جديدة وحلوة وأول مرة يتنفذ عندنا برنامج زي كذا ..
المهم أنا رديت عليها بس بأدب وبعد كذا تركت الاجتماع وخرجت ..
وبعد شوي ارسلت لي واحدة من زميلاتي تناديني لكن أنا رفضت أنزل ، وفي نهاية الدوام لما نزلت لقيتها واقفة المهم جات عندي وقعدت تعتذر وتقول انت حساسة وماتوقعت تزعلين من كلامي وانت زي اختي وانا ما أقصد وأنا تعبانة وكلام كثير وتقول أنا مستعدة أعتذر منك قدامهم !
أنا تفاجأت بكلامها يعني كأنها واحدة ثانية مو اللي قبل شوي تتكلم معاي بفوقية وعنجهية وكأنها مو شايفتني شي !!
جلست تعتذر وتبرر موقفها فترة طويلة وأنا والله احترت ايش اقول لها ...
بعد كذا مشيت أنا ورجعت البيت وحسيت الدنيا ضايقة في وجهي وبكيت لين قلت بس ولا زلت أبكي والله ، لأنها أحرجتني قدام زميلاتي ولأني كنت مبسوطة والله بهذا البرنامج وحتى الطالبات كانوا متحمسين له وفرحانين ..
الحين أنا انسدت نفسي عن الدوام والله وصرت كارهة اني اروح ..
أنا مااقتنعت بكلامها ونفسي ماصفيت عليها بعد اعتذارها ، حاسة إني ماعاد أبغى اشوف وجهها ،،، أخواتي انصحوني كيف اتعامل معاها بعد كذا وكيف اشيل اللي في قلبي عليها ...