قهرررررررني حسبي الله ,,

السلام عليكم ورحمة الله وبركاته

انا اليوم صار لي موقف مع زوجي احكموا فيه وارشدوني وش اسوي

انا ابي السوق لأن عندي مناسبه الاربعاء واعرف انه مثل اي رجال يكره السوق قلت اختصر عليه الطريق وابحث بالنت عن اللي ابيه وفتحت موقع مذركير ولقيت فستان لبنتي وحفظته ببالي ولما قلت له ابي السوق قال بس محل واحد اتفقنا قلت طيب ولما دخلنا المحل ادور الفستان مالقيته قلت اسأل البايع وأوصف الفستان قام الرجال مستغرب يقول ماعندنا فستان بهالوصف وراح قام زوجي حط عينه بعيني بحقد قال تكذبين علي وين فستانك اللي تقولين :mad: وأأشر له قلت قصر صوتك شوي قال مارفعت صوتي << وهو يرفع زياده بغيت ابكي قدام الناس المحل مليااان تخيلوا رجال وحرمته واقفين بالضبط ورى زوجي ويشوفوني ويتفرجون علي :44: حتى الحرمه راحت تكمل تفرجه على الملابس وزوجها قاط معنا وحسيته راحمني :icon33:

قمت قلت اسأل احد ثاني وجاء مدير المعرض وسأله ..قال المدير ايه عرفته بس للحين مانزل لأن الموقع ينزل الصور قبل ماتنزل البضاعه باسبوع او اثنين طلعت من المحل بسرعه قال هاه نرجع البيت :icon33: قلت لا الله يخليك باشوف لها فستان ثاني << على فكره حبيت اقولكم انا اللي بادفع :( المهم قال طيب وهو يتأفف بعدين لفيت كم محل والله من ضيقة الصدر مااركز ولا اشوف شي وبنتي اشغلتني وطلعت من السوق ولما ركبنا السياره يقول شفيك طفشانه علشان مالقيتي اللي يعجبك قلت ايه وزياده لأنك رفعت صوتك علي وخليتني مسخره وانا مااكذب عليك سمعت بنفسك الرجال وش قال قام يسب ويسب وقال قسما بالله ماتروحين للمناسبه ووريني وش بتسوين

آآآآآآآآآه يابنات من اليوم ابكي والله ماهمتني المناسبه بس قهرني بتصرفه + عناده منعني من الروحه
انا والله ماانعزم الا نادرا ولا اروح لاحد ابد فرحت بهالعزيمه حتى بنتي يوم قلت لها بنروح عند ال فلان والله استناست لان فيه بنات بعمرها ااااااااااااه بس مقهوره مره
انا خلاص متأكده اني ماني رايحه علشان حلفه بس وش اسوي من اليوم للاربعاء ابيه يندم على اللي سواه وعلى انه جلسني بالبيت اكتب لكم ودموعي على خدي :44:


ملاحظه :

تصدقون بالله اني لما صليت في البيت صلاة العشاء قبل اطلع السوق بعد التشهد الاخير دعيت مع دعاي بالرحمه والرزق والجنه .. انه ماينكذ علي بالسوق واننا ننبسط انا وبنتي بس سبحان الله حظي واعرفه :(