قهررني .. بكيت لين قلت بس

السلام عليكم
اللي تعرف مواضيعي تفيدني وتدلني تمشكلنا انا وزوجي قبل يومين انا قد قلتلكم قبل اني ابغى اطفال ولازم نتعالج وجوالي مكسوة شاشته له سنة ونص وكنت ساكتة على امل زوجي يوفي بوعده ويصلحه او يغيره لي لانه كان يحلف انه ما معه فلوس
وموضوع الاطفال تفاهمنا انا وياه انا نتعالج بالحكومي وقفلنا هالموضوع
اللي صار انا قبل البارح جاء علمني انه جاه مبلغ وخبى عني تخيلو وجاه المبلغ في فترة مشاكلنا انا وياه على موضوع الحمل والجوال
وزي العادة ما علمني ولا عوضني فيه انا زززعلت منه ولاني طايقه اشوف وجهه الى متى الكذب والاستغفال
تخيلو من ١٢ سنة يجيه مبلغ يخبيه عني ولا يفرحني حتى لو بالف ريال مرره جاته ٧٠٠٠ الاف ووقتها كنت بحاجة اغراض ولا اعطاني
ووقتها من غبائي صرفت حافز في اغراضي اللي محتاجة لها صدقته انه ما معه شى
المهم ززززعلت منه لي يومين ما اكلمه قلت الى متى تكذب علي وش فايدة حياتنا مع بعض وانت تلعب علي كل مررة وقت ضيقتك تجي تشكي لي واساعدك ويوم الله يرزقك ما تعطيني شى
اذا انا ماني شريكة لك في فرحتك لا تجيني وقت ضيقتك وتشكي لي
من اليوم ورايح ما راح اصدقك واي فلوس تجيني ماراح اعطيك منها ريال واحد
وصار يعتذرررر
زي كل مرره يغلط ويعتذر ويرجع يغلط ويعتذر وانا اصدق انا طابت نفسي منه ولا عاد اثق فيه
اللي تحسب اني مادية اقسم بالله اني ماني كذا بس تخيلي تصبربن سنوات وقت ضيقة زوجك توقفين معه ويوم الله يرزقه ما يعوضك يخبيها عنك وش شعورك
متخيلين جوالي قريب السنتين مكسور ولا مرره قال بصلحه لك
الحين يوم زعلت قال اصلح جوالك قلت بدري تو الناس جيبلي جوال جديد هذا معد ابيه
قهرررني والله بكيت لين قلت بس
متخيلين حافز الدفعتين صرفتها على اثاث بيت وبويه يعني رممت بيتي الاول منه وهذا غلطي يعني مفروض انه يقدر ما قصرت معه
وغلط علي برمضان العام غلط كبير ووعدني برضاوة شهر ١٢ وقتها جلس يحلف انه ظروفه صعبة وصدقته وللحين ما اعطاني شى
يعني حتى الفلوس اللي جاته ما ارضاني فيها حتى لو ٥٠٠ ريال
لا حول ولا قوة الا بالله