قهرني وغصب عني تحسبت عليه قدامه انصحوني

الصراحه موعارفه بشو أنصحج.........
بس لازم تعرفييين شو اللي يعصب زوجك ويضايقه وتتــفهمي
الموضوع معاه بهدووووء وبدووون عصبيه....
وإن شاء الله يعينج عليه ويوفقج معاه يارب...

أختي الله يكون في عونج ,, ما اعرف شو اقولج و ما حبيت ما ارد عليج ,,

عزيزتي أسوأ سنه تمر على الزوجين أول سنه لأن كل واحد يبغى يفرض طبعه على الثاني فتحسين بكذا من ناحية زوجك من ناحية المعامله لأن هو يبغى إنك تدلعينه وإنتي نفس الشي

يمكن زوجك من الناس إلي مايحبوا المفجآت في هذي الأمور "المشاوير والطلعات" إنتي كان مفروض إنك تلمحين له وتفهمين هو موافق وإلا لأ.

على العموم انتي تعذري منه وتأسفي على التحيسب إلي قلتيه وإنه جا في لحظة غضب وإنك ماتوقعتي إنه راح يرفض وإنك يوم جلستي وفكرتي لقيتي معه حق مفروض إنك مشاورته قبل

والله الدنيا ماتسوى هالنكد والزعل لا تضيعون أحلى سنين عمركم بالزعل والنكد

أنا حاسة بشعورك ومعاك حق إذا انقرتي بس هذا ما يحل المشكلة واضح إن فسر مفاجأتك بطريقة سيئة وأظن إنه أعتقد إنك تحاولين تخلين كلمتك هي التي تمشي عليه وإن قراراتك لازم تتنفذ وأنا أعرف إن هذا مش قصدك بس إظاهر والله أعلم إن فهمها كذا وعلشان كذا أنصحك بالتالي:
1- أدعي الله إن يهدي زوجك ويسخره لك ويسخرك له فيما يحب ويرضى ويوفق ما بينكم ويبعد عنه وساوس الشيطان.
2- أرسليله رساله قولي فيها إن الواضح إن حصل سوء تفاهم بينا أنا كان قصدي أفرحك وأسوي لك مفاجأة كان ودي أشوفك مبسوط بس جات بنتيجة عكسية فإذا ما تبغى تروح على راحتك أهم ما عندي سعادتك وإنك تكون مرتاح.
3- لا تحاولين تنتقدينه أو تحسسينه إنه مخطئ لأن بطبيعة الإنسان ما يحب الإنتقاد أو الشعور بالذنب وبالتالي راح يدافع عن نفسة ويبدأ بانتقادك إنتي.
4- دائما حاولي تكونين هادئة وتفسرين تصرفاتك وكلامك زين وإنك ما تبغين تغيرينه أو تسيطرين عليه وإنك تحبينه زي ماهو وإن هو إلي له الكلمة الأولى.
وأدري إن هذا صعب بس ما في حل غير كذا لأنه مشكلته الظن السيء وإذا إنتي رديتي عليه رد سيء بتكبر المشكلة وبيعتقد إن كل شي فكر فيه صحيح على الرغم إن نواياك كانت حسنه في الحقيقة لكن إذا كنت هادئة وحسستيه إن هو أهم شي راح يندم حتى لو ما اعترف بكذا وشوي شوي يتغير بإذن الله وتصير عنده ثقه فيك وبتصرفاتك خاصة إنكم توكم متزوجين فهو ما يعرفك زين ولهذا قاعد يفسر تصرفاتك بطريقة سيئة لأن ما عنده ثقة في أحد لكن القصة يبغالها صبر لأن هذا طبع فيه.
والله يساعدك ويوفق ما بينكم.

اللله يعينك بس عادي تمر اول وممكن بعد ثاني سنة والمشاكل كثير بس انت حاولي تفهمينه وتعرفين ليش بالضبط عصب
وبالنسبة للمسجات حاولي اذا كنت زعلانة او معصبة تبعدين الموبايل عنك لان كلامك مكتوب وممكن حتى لو رضى يرجع يقراها وتأثر فيه..