ادعوا لي ان الله يسخر قلب امي لي ويبعد عني شر مرت ابوي ويبعد شرها عن حياتنا ياقادر ياكريم

حبيبتي اتقي الله في نفسك ولا تضيقين صدرك ياما بنات ماتزوجوا الا في سن 30 و 35 و37 وصاروا احسن حظ من الصغار الحي على الله في الدعاء ولا تياسي ادعي وانتي موقنة بالاجابة فالله لا يضيع من دعاه ماعليك من الناس خليهم يتكلمون لا يهمونك وسعي صدرك ونصيبك يبي يجيك يالله قومي وتعوذي من بليس واطلبي ربك فهو قريب مجيب دعوة الداعي اذا دعاه الله يوفقك ويرزقك اللي يسعدك وجميع بنات المسلمين

وسعي صدرك ترى الدنيا فانية ومو كل شي بالحياة زواج هذي ارزاق مقسمة نحد ياخذ غير رزقة ونصيبة تعوذي من الشيطان

يا أختي العزيزة
أتقي الله ولا تقولين هذا الكلام
يمكن تنحرمين من الشي إللي تتمنينه والسبه
هالكلام لأنه أعتراض
استغفري ربج وكثري من الأستغفار
اصبري واحتسبي

اختي مايصير تعترضين على نصيبج بهالدنيا

كل شي ابتلاء وانتي حصلتي نعم غيرج ماحصل عليها
وحرمت من نعمة .... فوين الصبر ؟؟

اذا ربنا ابتلانا بشي علينا الصبر عسب نحصل الاجر

يمكن غيرج نال اللي انتي تمنيتيه بس هل ياترى هو سعيد ؟؟

هل اذا كنتي تزوجتي بتعيشين في راحه ؟ هل الزواج يعني السعادة والراحه ؟
هل اذا ربي رزقج بعيال يعني بتكونين سعيدة ومرتاحة ؟

الله وحده عالم بالي فيه الخير لكل شخص يمكن تكونين تزوجتي ويبتي عيال بس ربي ابتلاج في عيالج سواء خُلق او خَلق
حزتها كنتي بتقولين الله يخلف على ايام الراحه والعزوبية ...

او ياج ريل مثل ماتمنيتي بس الله عالم بهالريل عيزج قبل وقتج وخلاج في الاربعين بدل الثلاثين بسبب فعايله و همه ...

فسبحان الله كل شي يصير للمسلم له حكمة فيه

لاتنسين حديث رسولنا عليه الصلاة والسلام الذي بما معناه:(عجبا لامر المؤمن, ان امره كله خير, ان اصابته ضراء صبر فكان خيرا له, وان اصابته سراء شكر فكان خيرا له)

والله يعوضج ان شاء الله على الايام اللي راحت وينسيج الهم ويرزقج باحسن من اللي تمنيتيه
صدقيني ربنا رزاق رحيم لاتياسي من رحمته وفضله

قوي ايمانج بالله وهذا مبين عليج يوم تقولين كله اصلي وكله اقرا قران
اشغلي وقتج بالخير ومابتحسين الا رزقج واصل لعندج جزاء من رب العالمين

ودعواتنا لج ... وطمنينا