قهر الزوج الخفي

السلام عليكم ورحمة الله
ما راح اطول عليكم بس انا صار لي موقف اليوم وحاسة اني باموت من القهر :icon33: . انا زوجي متزوج علي من 4 سنين وزوجته ساكنة مع اهله وهذا يعني انا نتقابل كل ما رحت ازورهم واليوم رحت افطرت عندهم وبعد الفطور تفاجأت بزوجي يناديها وصعد هو وياها لشقتهم وتركت بنتها عندنا تحت وطبعا هذا كان قدام امه وخواته ولما نزلوا كانت الفرحة والوناسة باينة في عيونها علما اني حامل في نص التاسع هذا غير اني مسلفة زوجي العزيييييييييييييييز تقريبا 90 الف ريال منهم 70 دفعتها له علشان اشتري ارض من 6شهور تقريبا وما شفت شي الى الان هذا غير ان الاخت جالسة في البيت وانا موظفة يعني 90%من مصارفي الشخصية اخذها من راتبي .
شنو رايكم اساله ليه ناداها قدامي وقدام اهله؟والا اطلب فلوسي اللي عنده واريح راسي؟والا اسكت وابلعها جمرة مع اني حسيت الاهانة يوم دخل هو وياها قدام اهله؟انا اخاف اساله يكذب ويقول كان يبي لبس او اوراق ويطلعني بسواد الوجه ! :( تكفون ردوا قبل لا يصير فيني وفي اللي في بطني شي من القهر واعذروني اذا طولت عليكم