قهر بقلبي ربي يعيني 

اولاً السلام عليكم جميعاً ...
حبيت اطرح موضوع مضايقني جداً لدرجة البكاء من القهر و بديت اكره زوجي والله يا بنات شاهد المهم مشكلتي ، انا متزوجة من خمس سنوات تقريباً الحمدلله حياتي نوعاً ما مستقرة بالرغم من تدخلات اهله بي ومحاولة التحكم بذهابي وعودتي حتى لاقربائي والله العظيم وشاهد ايضاً ع كلامي هذا بداية زواجي شوي شوي يمكن اني غيرته بس مو مره والله المستعان وعليه التكلان ، لكن زوجي اذنه بس لأمه لدرجة يصدقها بالغيب ويشهد معها لو مايدري وش اللي صار بس قالت امه خلاص صح والله ورب الكعبة يابنات انها فيها كذب وحقد وتظلم عادي اذا كرهت احد حطت فيه كل شئ كذب وسب وتبكي تستثير عواطف عيالها والقهر يصدقون و معاملتها هي وبناتها معي 6 شهور تمام وسنة زعلانين متى ما بغوا يرضون رضوا واذا بغوا يزعلوا زعلوا من دون سبب كذا كره وانا وربي شاهد ما قد سويت فيهم شئ ابداً يزعلهم علي. حسبي الله ونعم الوكيل تخيلوا لو يشوفوني لابسه لبس جديد كذا تنقلب وجيههن ويكلمني من طرف خشومهن وتحسين ودهن يقتلني اه يابنات هذا شئ قليل من اللي ذكرته ، والشئ اللي يقهر اكثر ان زوجي يخبي عني اي شئ يخصه سواء مشكلة فلوس  حادثة صارت له والله العظيم اسمعها من الناس ويسألوني وقول مدري واموت قهر مع ان اهله دارين واصدقائه وحريم اصدقائه الا انا والله اني اكتب وانا ابكي من شدة القهر ليه انا غريبة وانا ام عياله وكرف بالبيت وشئ زي هذا مايقول لي >> لا تجيني وحده تقول مو لازم يقولي كل شئ نعم انا معك بس ما اقول لناس كلها وزوجتي ما تدري هذا اللي يحز بالخاطر ويحسسني بالنقص الله المستعان ، وحتى راتبه يعطيني بالشهر 200وهو مشاء الله حدود 10000 راتبه ويوزع على اهله وانا نفس ما يعطي خواته 200  وامه 500 مع ان امه ابوه راتب وكل شئ متوفر لهن ولا اطفال ولا شئ كلهم بنات كبار وعيال وكل واحد معه جوال من ايفون 5 وايباد ... الخ 
وانا يفرح بــ200 االي يعطيني كيف اخليه يزيدني بالله قولوا لي اللي عندها حل...؟
وواسفة ع الاطالة من قهرررر بقلبي والله المستعان