قهر والله زوجي يتهمني ويشك فيني

:06:

السلام عليكم ورحمته الله وبركاته


ساعدوني احس بتجي حاله انهيار وحاله نفسيه قمت اصدق اني مريضه

انا تزوجت عشان ارضي امي وعشان افتك من الحنه والدوشه لان سبق وانفصلت عن طليقي بعد الملكه 3 شهور والسبه هواشات عائليه ،،،، وطلع زوجي كثير يوسوس وكثير يشك وكثير قلق واكتشفت انه هذا هو من قبل لايتزوجني احس انه مريض نفسي الله يشفيه حتى كذا مع اهله ويخاف بزياده عليهم ومتحكم فيهم بشده وامه زوجته غصب وهو رافض بس قنعته وشرط شوفه شرعيه وشاف وامي تحن على هالمره هذا تزوجي تزوجيه لين حطتني بموقف صعب وراحت وقالت لهم اني موافقه قلت ليش تقولين لهم اني موافقه وانا عادي من ناحيته قلت يمكن خيره وتوكلت على الله ...والحمدالله حسيت اني افتكيت من هم كل يوم عني يوم يبن كره لي ومره تهاوشنا وعصب حيل من العصبيه سب امه وقال انا مابي سعوديه والله ياخذك يامي ويضربني ويشد شعر هذا بس قلت لها التدخين مو زين على صحتك اتركه وانا ماحب ريحته تكرهني فيك وصار يذلني بهادخان عناد بس وقلت على هواك وكيفك
قلت الله يستر منه وسكت على الموضوع لان فشله اروح بيت هلي من اول شهر وش بيقلون
ومره على نياتي قال انه بيروح شغل يومين وبيرجع قلت اروح معاك دام احنا تونا شهر عسل نتمشى قال لالالا بيروح مع واحد قلت اجل ارو ح بيت اهلي وهذا اشهر حدي تعبانه من يوم رحت بيت هلى وانا كل شوي اتعب زياده قال يمكن حامل خلي اخوج يوديج ورجعنا الا اكتشف انه مسافر برا السعوديه لانه ماخذ جواز السفر وافتشه فعلا مسافر خلاص من يومها هدم الثقه اللي بينا انقهرت قلت بصبر واتحمل حريم صابرين على ازواجهم وهم بلاوي
صبر وصبر كل يوم يطفشني وينكدد على باي شي ويشتكي لربعه ويكذب على امه لانها مختارتني له يبيها تكرهني
وانا صابره ما ابي اتطلق مره ثانيه هذي اول سنه بينا ابي احبه وابي ادلعه الا يصير العكس كل يوم عن يوم اكره بزياده
واهلي مجنننيني ماهما اقول لهم انه يسوي كذا وكذا مايصدقوني لين اخر مره صارت بينا هوشه ورماها بوجهي انتي تبين طليقك وسبني وعاد ماتحملت كلمته وخذت اغراض لبيت اهلي مع انه مو مقصر بس هالشكوك اذبحته واكرهتني فيه والان بيت اهلي انتظر وش بي سوي ؟؟
وانا اعرفه طيب وعلى نياته بس انه حقود بدرجه واحيانا يستلعن وبسرعه يتاثر بكلام الاخرين واحس ان ربعه ماخذينه يتسلون على سوالفه لانه يسولف لهم كل شي صار بينا سويت وسويت ورحنا المطعم الفلان وصار لنا كذا وكذا
واذا راح عند امه مابقى شي مايقوله لها
والقهر مره راح مكذب على امه اني مكسره صحون المطبخ واني بنتحر ههههههه وخافت وراحت قدت على اهلي قلت لهم لا وش فيكم واي مشكله تصير بينا على طول يدق على اهلي يبي يسوي لنا مشاكل ويقولي انتي مريضه بوديك اعالجك عند دكتور نفسي ويقولها بصدق شعور ولا يقولي حنا محسودين كل شوي يوسوس انا تعبت نفسيتي
وطبعا اهلي يحطون فينا انا اللي واللي محد راضي يصدقني واختي كل شوي ماحشرت امي خليها تصبر على زوجها لين خلتها ماتدافع عني .. قهر والله