(( قهر وظلم المعلمات في المدراس )) إلى متى ؟؟؟؟
===============
درست وعانيت وتمنيت ألاقي النتيجه اللي ترضيني
وبعد التخرج مالك مكان في المجتمع مكانك الوحيد هو بيتك وإلا ترضين بالذل والاهانه في المدارس الاهلية ،،،
طيب انا اسأل وحطي نفسك مكاني وإذا تقبلي بالوضع قولي :
وحده خريجة بكالوريوس تربيه
طبعا مالك مكان في الوظايف الحكوميه لان الحكومه مكتفيه ...
وانا سمعت ان الوزارة تشجع المدارس الاهليه وتدعمهم حتى في رواتب الموظفات بس المديره ماادري وين تودي الفلوس !!!!
طيب .. رحت قدمت وقبلوني لان شهادتي مطلوبه ولكن بشروطهم اللي في عقد الوظيفه مثل /
· الراتب بعضهم من 1100 إلى 1500 ريال حسب الخبره
· يخصم من الراتب تأمين ....
· الحضور قبل الساعه 7 وبعدها خصم اذا تاخرتي
· انتي مسؤله عن الطالبات وعن مراقبتهم وعن غرفة المعلمات و...و... (تهديد ووعيد)
· اذا عندك حصة فراغ لازم تكوني تحت امر المديره وتسوين المطلوب منك على اكمل وجه
· حضور الاجتماعات ومجالس الامهات بعد العصر إلى وقت العشاء .
· خروجك بعد خروج اخر طالبه او بعد اجتماعك بالمديره يعني الساعه# 3 # قبل العصر
· تشتغلين عندهم كأنك مكينه ويمكن اكثر ويبغون منك النشاط والمشاركات وتبيض الوجه امام الامهات او المسؤلات ،
· وانتي اللي تسوي الشغل كله والمديره نايمه بالعسل
· مطلوب الوسائل التعليميه من اجود مايكون ..
· الاهتمام بالشكل والاهتمام بالطالبه و استخدام اللطف والرقه معهم حتى لو غلطت الطالبه علي المعلمه اللي صارت مالها كرامه
· الطالبه ناجحه حتى لوكانت كسوله جدا
· يحق للمديره ان تطردني في أي وقت وكذلك استرجاع الراتب المدفوع لي
· وطبعا ادخل الطلابات دورة المياة كأنك خدامه عند ابوهم
· وغيرها من الاشياء اللي تشيب الراس
· وفي النهايه
· الراتب عينهم فيه يخلص على وسائل وللسواق وانشطه وتحضير دروس
=================
وبعدهاترجعين البيت تعباااانه ومافيك نفس وصوتك وحلقك تعبان من الكلام الكثير
ورجولك راح يجيها دوالي من كثرة الوقفه
والضغط والاعصاب التعبانه والصداع
وغير الحاله النفسيه من القهر والظلم وكمان عندك تحضير لليوم الثاني لست او سبع حصص ومواد مختلفه
==========
على الاقل الحكومه تعطي رواتب على الوقفه والضغط والسكر وكمان مرتاحين
وفعلا قالوا اشخاص ان مجهود المدرسه الاهليه في سنه يعادل مجهود10سنين في الحكومه اواكثر
===========
طيب وين الرحمه والعدل إذا الحكومه مكتفيه وتبغانا ندرس بالاهليه خلاص رفعوا الرواتب على الاقل شئ يليق بالتعامل الادمي
نحن لسنا مكائن والمكينه ماتتحمل هذا الضغط
===========
ارحموا من في الأرض يرحمكم من في السماوات
===========
الله يعين من تكون في المدارس الاهليه
=======
حسبي الله ونعم الوكيل على الظالمين
(( إنما اشكو بثي وحزني إلى الله ))
===============
اللهم ارزقنا رزقا واسعا من فضلك إنك خير الرازقين
اللهم صلي وسلم على نبينا محمد
================
يلزم عليك تسجيل الدخول أولًا لكتابة تعليق.
مستبشرة بالخير
•
جبتيييييها ع الجرح ياأخت(الحمدلله )انامعلمة في مدرسة اهليية والله واللي اسمة الله انه ذذذذذذذذذذذذل وكرف مايعلم فية الا رب العباد والله ياجماعة اكتب وانا خانقتني العبرة انحدينا ع ذا المدارس الاهلية وبججججد يطلعووون الراتب من ظههههرك اليوم كلموني الادارة وبلغوني بزياااااادة المهام الملقاة ع عاتقي ونكدو علي وانا في اجازة والله ماصبرني عليهم الا الشديد القوي تخيلو جاني احتكاك في الركب من كرفهم بالله يابنات اللي تشوف وتقراء هالكلام تدعيلي ربي يرزقني الوظيفة الحكومية ولاتنسون ان فية ملك يقول ولك بالمثل ... والله ثم والله ثم والله أني شفت بعيني معلمات واداريات من ظغط العمل والتعامل السيئ يدخلون اي غرف وتلقينهم يبككككككون لين تهدئ نفسيتهم ويطلعون ويكملون شغلهم اقسم بالله شي يوجع القلب آآآآآآآآآآآه ياااارب فرح قلبي بالوظيفة الحكومية وعوضني خيرعن كرررررررررررفي في ذا المدارس الاهلية ..سامحوني يابنات كلامي مو مرتب بس بجد احس اني بنفجر من الكرف و التعامل السيئ في المدارس الاهلية ... دعواتكم يابنات ..
الصفحة الأخيرة