حبيت أخليه موضوع لحاله لاني لاحظت إن البعض مايعرفها وأتمنى أفيد اللي يبغاها .....
القهوة اللي بالبندق
....طبعاً تشتري البن جاهز يعني تروحي لبرنيز أو الحربي أو اربيكا أو الرفاعي المهم المحل اللي معروف عندكم يبيع البن والهيل ...وتطلبي منه بن القهوة الفرنسية بنكهة البندق ..لان في أكثر من نكهة ...في نكهة الفانيليا والشوكلاتة والبندق والقرفة ...المهم الرفاعي طبعاً يبيعها بالحليب يعني راح يكون لونها فاتح يبان فيها الحليب أما المحلات الباقية في كده وفيه كدة يعني بعض المحلات تبيعها سادة وفي محلات يضيفولها الحليب ...
الطريقة : حطي موية باردة وضيفي عليها البن حسب رغبتك تبغيها تقيلة ولا خفيفة ...وسكر وأغليها على النار بس انتبهي تفور وتنككب يعني الين ماتحسي انها بدأت تفور اطفي عليها .....بعدين حطيها في الخلاط وهي حارة طبعاً ...مع الحرص الشديد عشان ماتنحرقي لاسمح الله لانك أول مارح تشغلي الخلاط راح تطلع فوق يعني غطيه كويس وبعدين وهي بتنخلط افتحي الغطا وضيفي ملعقتين حليب بودرة وخليها الين ماتطلع الرغوة وزعيها في الاكواب وممكن ترشي على الوجه شوكلاتة بودرة ...براحتك ..أتمنى تكون هي اللي ذقتيها ...وبالعافية والهنا ..
أم حمودي العسل @am_hmody_alaasl_1
عضوة فعالة
يلزم عليك تسجيل الدخول أولًا لكتابة تعليق.
الصفحة الأخيرة
ريحة القهوة تجننننن..
تسلم الأيادي يااااارب ..