اهلين فيكم بقدم لكم طريقة قهوة الطواريء بصراحة انا اخذت طريقتها من كتاب النخبة
وحطيت عليها بعض الاضافات جربوها بس بوقت الازمات مثلا لما يخلص الغاز ولا
عندك عين كهرب وكنتي مشتهية قهوة او جاك ضيف فجاة او مثلا لما تكونين سهرانه
مع خواتك ومالكم خلق تسوون قهوة وتنتظرونها مدة تطبخ ما عليكم الا تسوون قهوتي السريعة
صحيح انها ماتجي بمستوى القهوة الاعتيادية بس والله عن تجربة انها تفي بالغرض و
طعمها حلو :27:
بس نصيحة لا تتعودون تعتمدونها بكل وقت لان امهاتكم بيعصبون عليكم مثل امي :mad:
تقول هذي قهوة العجازات :hahaha:
واول ما ذوقتها منها قالت مو حلوة ولما خلصت فنجالها قالت صبي تقول ذكرتها بقهوة اول
الله يطول بعمرها واعمار امهاتكم ويرحم الاموات اجمعين
اسفة طولت عليكم حياكم معاي نعد اسرع قهوة عربية :time:
1 نغلي ماء بالغلاية الكهرب او عالنار بصراحة عالنار افضل لانها تكون اسخن من غلاية
الكهرب بس مثل ما ذكرت اول اذا الغاز منتهي مالكم الا الكهرب :44:
2 جيبوا الترمس حق القهوة الحجم الصغير ونضع فيه المكونات الاتية : ملعقة كبيرة قهوة+ ملعقتين صغارهيل+ زعفران+ربع ملعقة صغيرة زنجبيل بودرة+ربع ملعقة صغيرة مسمار (قرنفل)+نص ملعقة صغيرة كوفي انا استخدمت نسكافية ونص ملعقة كوفي ميت (مبيض القهوة).
*طبعا اذا الترمس كبير ضاعفوا الكميات
بعدما حطينا كل المكونات بالترمس نصب الى النصف من الماء المغلي ونقفل الغطاء كويس ونرج كووووووويس ركزوا على كوييييييس لاننا لازم نخلي القهوة تتفاعل شوي مع حرارة الماء وتطلع نكهتها وتاخذ المكونات كلها فرصتها لاضفاء
النكهه الحلوة ونرجها 5دقائق بعد كذا نصب باقي الماء المغلي ونرجها زيادة رجتين بس عشان تختلط المكونات اللي تحت
مع الماء اللي ضفناه مؤخرا ونخليها دقيقتين تركد على ما نجهز الفناجيل بصينية التقديم ثم نقدمها وتمتعوا باسرع واحلى قهوة حاولوا ما تصبونها عل طول عشان تصفى من الحثل
..طبعا عندي لكم ملاحظة بسيطة النسكافية ما راح يغير من طعمها او يؤثر عليها بالعكس راح يعطيها نكهه حلوة ولون حلو
اتمنى ترجبونها وتعجبكم انا واختي حبيناها وان شاء الله تحبونها مثلنا اللي تجربها وتعجبها تقولي رأيها بصراحة
اذا عجبتكم لا تنسوني من دعواتكم .
اللهم صلي وسلم على محمد واله وصحبه
لكن
البن ماايغلي ع النار هناا غريبه
بنجرررررررررررب
ويعطيك العافيه