رحــيــل @rhyl_9

محررة برونزية

قهوة العروس من تعرف لها تراي مليت أشتري الكيلو ب60 ريال

السلام عليكم

كعادتي أضع شكواي لله ثم لكم ثم تجي بنات حواء وتساعدني بالحل الفعال وأدعي لها ليل نهار:)\\

بنات حنا راعين قهوة وكنت قبل أحمسها وزينة ولله الحمد بس طحت بقهوة لوحدة تبيعها تعرفون علبة التمر أنها تعبيها

تقول هذي كيلو وب60 ريال جربتها وانهبل عليها زوجي والله لايواخذني هلست عليه ماكذبت بس هلست :09:

وقلت بسم الله ع إيدياتي عمل يدي..لأني الصراحة زوينة بالقهوة بس هذي ماشاء الله عليها لونه أشقر ومخلط فيها

شوي هيل وهذاك اللي يلونها أول مأصب عليها الموية الحارة

وأنا للأسف ماعندي خبره في هذا الشيء :44: حدي هيل وزعفران

والقهوة سادة يعني لاشيبة ولا إشن ولامستكة ولاخربط بربط

مرة وحدة بدوية يالبي قلبها تشتغل عند أمراء قالت لي على طريقة قهوة الأمراء وكنت قبل مو متزوجة فمااهتميت فيها

واللحين تحسفت بس الحرمة مدري وينها ضاعت مع مرور الأيام :44:

ليتي مسجلة اللي قالت بالأتوجراف:angry2:ولا نسيتها

المشكلة والقضية الكبرى الحرمة هذي تبتزني :icon33:شريت منها خيشة ب250 ريال
وخوذي ياتهريب..ياشين الهلس على الرجال شيناه :(
مايستفاد من قرقي السابق ..

اللي تفهم بالقهوة مو أي قهوة لا اللي تصمل الرااااس حقت العروس هذي اللي لاجو يطقون الطقاقات

وقولوا ماشاء الله على غزال طب وقولوا ماشاء الله تشربينها وتحسين أنك بترقصين من قلب:)

<<أقول الله من زين هالوصف

الاستفادة الثانية : اتركوا الهلس ع الرجال أو أهل الرجال أو أي كائن آخر ممكن يطلب الطريقة وتصرفينه وتنفضحين

ممكن تخلص فليساتك وأنت تشترين من هالقهوة وخل الهلس ينفعك :44:

المعنى اللغوي: الهلس هو الكذب لكنها بطريقة مؤدبة

<<إي هيييييييييييييين

أنتظر وقفتكم بنات حواء زوج آدم لا عدمني الله منكم

يلزم عليك تسجيل الدخول أولًا لكتابة تعليق.

تسجيل دخول

smws • 15 سنة

للاسف مااعرفها ليت احد يدلنا لان نفس المشكلة عندي

متجر ام عبدالرحمن • 15 سنة

جربي قهوتي مايحتاج فيها مدح ومجربينها في المنتدى !!

وسعرها اقل من اللي ذكرتيه وكميتها اكثر ياقلبي ...

pop20008 • 15 سنة

رفع

ام توتو22 • 15 سنة

بصراحه الكلام على حمسة القهوة اذا صااااااااااااارت زينة ومضبوطه يجي عاد كمية التلقيم بعدين تطبخ من ثلث الى ربع ساعه على نار هادئه
اضيفي الزعفران الناهي مره وهيل مطحون جديد لان المطحون قديم ماله طعم اطحني على شويوشوي

وبس بهريها بالزعفران زالهيل وياسلام ولو كانت غامقه ممكن اضافة مبيض قهوة

ودعوووووووووووووووووواتك لي بالشفاااااااء

رحــيــل • 15 سنة

أم توتو الله يشفيك ويرزقك الصحة والعافية يارب

أنا أسوي ماقلتي بس ماشاء الله لو ذقتي وشفتي لون اللي أشتري منها تقولين قهوتك ضفيها

عموما كثر الله من أمثالك

أم عبدالرحمن ياحيي كم تبيعينها ووش المقدار وفيه توصيل

تكفين ردي علي ماتسبنيش لوحدي لأني قررت أرجع احمس بنفس وأقول صكتن عين الله لايعاقبني:(

والباقي اللي طلوا يسلملي هالطلة ياحلوات