آآآآآآآآه من زمان ماسيرت على احد لي مقابله هالكمبيوتر لاعت كبدي منه ،عندي افكار رهيبه بس ما راح اقول الابشرط تعزميني، صدقيني والله بتستانسين علي ..
ابغى اروح عزيمه عند احد:(

لا...........لا عزيمتي هذي يوم الاربعاء
شفتي ياخويتي أني شايلة همهاااااااااااااااااااا
هههههههههههههههه
ياللة ياخويتي اشوفك سنعة ولااااااااااااااااااااااااااااا
انا اليوم بكشفك................

ياللة تعالي انتي تشرفين يااعمري...............................
واللة انا احب الوناسة وشكلك كذاااااااااااااااااااااااا
ياللة لا تدلعين علي قولي وش عندك
ولا اقول وش رايك تسويلي المعجنات وتجين بالمرة
وحدة استغلا لية ههههههههههههههه

شوفي:قومي الظهر لازم تشبعين نوم.
طيري على المخبز اللي قالت لك عليه مصرقعه تراه حلو قد نصحتني فيه يجنن (مصرقعه تكفين علميها عن ذاك النوع اللي قلتي لي عليه ذيك المره)...واطلبي طلبيتك وحددي موعدك اللي بتاخذينها فيه.
جيبي كيكة موس بالتوت من جرير تراها تجنن ولا تنسين العصير (إذا تبين طبيعي جيبيه من البوفيهات وإذا تبين جاهز من البقاله!!!!!!!!!احلفي!!!!!!
نظفي بيتك (اقصد نظافه كيده!!!!!!!
بخري المجالس .........وجهزي الصحون والشوك والملاعق والفناجيل والبيالات وووووووو.

حطي صينية الحلى والفناجيل في صينيتهم بالمجلس قبل يجون الضيوف........وجهزي الشاهي ومجموعته في المطبخ ....
سوي قهوة سنعة وكثري الزعفران والهيل ........بس لاتسوينها بدري تمتر!!!!!
إذا جوا بهريها وخليها تركد ثم زليها......

إذا دخلوا اقعدي معهم ربع ساعة ثم جيبي القهوة وقهويهم .........ثم انتظري ثلث ساعة ثم جيبي الشاهي وشهويهم(على وزن قهويهم!!!!

بين كل حاجة والثانية سولفي معهم واعرضي عليهم تتفرجون على حاجة ومو لازم تشيلين المكسرات ان كانكم راعين فله.....خليهم يقمشون فيها وهم يسولفون.......

قدمي العصير مع الكيكة ثم البخور ثم قضبيهم الباب ..........

الله يساااااااعدش اولا عبي البيت بخور وعطر البيت من مخلطات رايبه

واذا جو قدمي عصيروحطي علبه حلوه اوسله من زجاج فيها حلاوى مثل حلاوى جالكسي (جواهر) بعدين القهوه والحلى وبعدها الشاهي ومعجنات وبعدين صحن مشكل من الفواكه بس يفضل سله وحركات حلوه وبعدها يقضبون الباب والله يهون العزيمه عليك

انا بعد ابعزم جاراتي جايه عندنا عروس جديده وبعزمهم وشايله همهم