قهوة جاراتي

السلام عليكم ورحمة الله وبركاته
كيف الحال عساكم بخير
ودي اقولكم موضوعي وابيكم تشورون علي
انا متزوجة في منطقه بعيده عن اهلي وماعندي احد في المكان اللي ساكنه فيه وانا انسانه اجتماعيه مرا وتعرفت على جاراتي والحمدالله حبيتهم الله يسعدهم مرا طيبات بس عندهم مشكله وحدة :(
احنا متفقين على كل يوم سبتتكون جمعه في بيت وحدة بس لما تصير الجمعه تلاقين انواع التكلف وانواع الاكل ومواعين غريبه عجيبة وصارت كانها منافسه بينهم كل وحدة تحط اكثر من الثانيه وكل مرا نتجمع نقول اخر مرا احد يتكلف نبي جمعه بسيطه ونتفاجئ ان اللي تقول هالكلام نلاقي في بيتها تكلف اكثر من اللي قبل وبصراحه هالشيء يضايقني لانه ياخذ على اصحاب البيت فلوس وجهد ووقت
انا هالاسبوع عندي ومادري اصلح مثلهم ولا اصلح اللي انا مقتنعه فيه بس اخاف يقولون عني بخيله شوروا علي ياحلوات :)