هلا والله اقلطو القهوه ازينه عندى ونا الدوسريه ام واب وخال وعم الطريقه هى بسيطه حتا الشغلات يعرفون يظبطونها تمام اهم شى نوع القهوه تكون بريه من بن اليمن لاصلى كيف تعرفون لا صلى مادرى عشان الوالد طوال الله عمره هو الى يشتريهلللل بس الطريقه نجيب المويه فى البريق يمكن 4 كسات بعدين لما تغلى المويه نضع 2 فنجال قهوه ملعقه صغيره مسما وحده زنجبيل وتركهاااا تغلى على نار هاديه المده ربع او ثلث ساعه وهنا السر الزم القوه تاخذ حقها فى اطباخ بعدين حطى الهيل فى اترمس او الدله كله واحد و حطى شوى حليب سائل وهاتى الفنا جيل وتمر وصبى وكيفى شوفو يا بنات ترا ناس واجد يموتون فى القهوه الدوسريه


وحده مغروره دوسريه يحقلهاااااا

أنا دوسرية ومدمنة قهوة بأكتب طريقتي يارب تعجبكم

1 / بريق القهوة حطي نصه ماء وخليه يغلي
2/إذا فاح حطي فيه فنجال إلا ربع قهوه برية + ملعقة كبيرة حليب سائل والنار عاليه 10 دقايق بعدين قصري النار وخلي القهوه تطبخ ساعة الا ربع
3/حطي في الدلة ملعقة كبيره هيل مطحون وربع ملعقه صغيره عويدي مطحون (مسمار) ونصف ملعقه زنجبيل مطحون وربع ملعقه او أقل قرفه مطحونه+الزعفران (أهم شي عندي اللي يخلي القهوة تنطع في الراس) طريقتي في الزعفران أحح شوي منه في فنجل وأصب عليه شوي قهوه من البريق وهي تطبخ علشان يتنقع وإذا طفيت القهوه من النار أحخط الزعفران في الدلة وأصب القهوة في الدلة واحطها فوق النار مره ثانيه عشان الهيل وربعه إذا قلبت في الدله مره حطي الليفه (نحط من المزهريات اللي في محلات الورور عشان الكشخه) وأشربيها بالهنا ويارب تدعين لي.
وسلملم

طيب وين الاقيها القهوه البريه
اقول للمحمصه عطوني قهوه بريه ويعرفونها ولاكيف؟
وكيف شكلها الي خيشتها ابيض بااخضر؟

صباح الخير
معليش في كتابتي لطريقة القهوة أخطاء املائيه لأني كنت متخدره فيني النوم..
أختي رحيل القمر أنتي قولي للمحمصة عطوني برية وهم يعرفونها وهي أحسن نوع , عندنا الكيلو ب 28 ريال ..