يسعد مساء / صباح اغلى بنلت
هنا يابنات صوره لقهوتي انا وامي صباح يوم الجمعه الله لايحرمني من وجودها بحياتي
وهذا صورة جريشي اللذيذ يذوب بالفم ولا اروووع
المقادير
بصله جوانح
زبده نحر فيها البصل
وسمنه للوجه في الاخير
كوبين جريش
اربع اكواب ماء
كوب لبن وعلبة زبادي
وممكن نزيد نص كوب حليب
بصل للكشنه وكمون
ملح
الطريقه
نحمر البصل في الزبده ونضيف الماء والملح وممكن ماجي الى ان يغلي ونضيف الجريش ونوطي النار ونتركه الا ان يتشرب كل المويه مع التقليب المستمر ونضيف اللبن والزبادي والحليب ونحرك ونوطي النار ونتركه يميع على كيفه لو كان بقدر ضغط بيكون اروع واروع
بعد كذا نضيف فلفل احمر صغار الي كانه فراوله انا ماكان عندي بس هو يضيف له شكل وطعم روعه
الكشنه نحمر البصل مع زيت ونضيف له كمون و ليمون اسود ونقلبه الا ان يتحمر ونضيفه على الوجه ونضيف السمنه عليه وبالعافيه