بسم الله الرحمن الرحيم
ومسااءكم الله بالف خير
واخبااركم واعلوومكم والف مبروووك وصول مليكنا الغالي بومتعب والحمد لله على سلامته
بمنااسبة وصووله ماكان لي نفس اطبخ هههههه مبسووطه
فسويت القهوه والعشااء بسيط ولزيز بالمررره
نبدا على بركة الله
ماشااء الله تباارك الله
هنااا صورة القهوة الكيك على طريقة امي الله يحفظهاا
ورق عنب وكباب نخي وصحن مقالي سمبوسه وكبه وباف وكفتة بطاطس وسلة فواكه
وهنا طريقة الكيك
المعيار كاس الجبن --اونص طحين ربع الكاس زيت -- نص الكاس سكر -- ربع الكاس ماء
2 بيضتان -- 1 ملعقة طعام بيكنج بودر وفانلياا و3 ملاعق حليب بودره
ونخفقهم كالمعتااد ونحطهم بالصينيه ونوزع عليها قيمر بهذا الشكل
ونرش عليها شوية دارسين
وهنا بعد مادلعتها من الفرن احترقت عندي شوويات
بس لذيذة وخفيفه بالمره
الكباب الخليجي
ناخذ حزمة بصل اخضر وبقل وطماطتين وبصله وحده وفصين ثوم ونقطعهم صغاار مره
ونحط فوقهم بيضتان وملعقة بيكنج بودر وملح وفلفل اسود وكاري وكركم ونخلطهم زين مازين
واقليهم بزيت غزير على شكل اقراص دائريه هكذا
ورق العنب على الطريقه القديمه
كاسة رز مصري وشوية كزبره وبقدنس وابصل اخضر وطماط وصلصه طماط وشوية بهارات
ونرصه بالقدر مع طماط وبطاطس وناخذ جيك صغير ونحط فيه ماجي وصلصله طماط ونصبه فوق الورق عنب
وشووية زيت زيتون واخليه على نار هادئه تماام
امم وبعد هههههههه وسلامتكم خلصناا سفرة القهوه
وهلااااا ننتقل لسفره العشاااء
نبدا بسم الله
السلطة المقلياات
جزر وخيار وطماطم وخس مقطعين
ومكعبات بطاطس وباذنجان مقليه وخبز مقلي
نخلطهم مع بعض وقدمت معاها صوص الزبادي
علبة زبادي ومايونيز وليمون وذره ملح وفلفل اسود
المعكرونه بالدجاج والصلصه البيضااء
معكرونه مسلووقه حمسة دجاج الصلصه البيضااء قشطه مايونيز وجبن
طبقه معكرونه طبقة دجاج طبقه معكرونه والصلصه البيضااء ورشيت فوقها الصلصه البيضااء
ماصورتهااا بتشوفونها بالسفره
الحين الطبق الرئيسي والمميز واللذيذ
انصحكم تجربونه لاانه ادمان عن نفسي ادمنته وكنت اول مره اجربه
برياااني روبيااان
بصلتين مفرومتين ومكعبات طماط وفصين ثوم وزنجبيل مبشور كيلو روبيان مقشر بالكامل ومنضف
2 ملاعق بهارات برياني واملعقه كلاا من كاري بابريكا فلفل اسود وملح وزنجبيل وبهارات مشكله
زباادي شووية قشطه ربع كاس حليب منقوع بزعفران زبادي بازيلاا خضراء
اول شئ احمس البصل بسمن ثم احط الثوم والزنجبيل واقلبهم لحد مايتحمرون ثم احط الروبيان
واحمسهم زين مازين ثم احط البهارات كلهاا ثم احط علبة زبادي والقشطه واخليه على نار هادئه لمدة عشر دقاايق
وارجع واحط كيس بازيلاا خضرااء واخليه يستوي ولا نخليه ينشف ابد ابد
ثم اسلق الرز نص استوى واشخله واحطه فوق حمسة الروبيان واسوي ثقووب واحط بالتقوب احليب السايل
المنقوع بالزعفران ثم احط شوية زيت وصبغة زعفران وارشه فوق الرز وااغطيه بالقصدير ثم الغطاء
واخليه عل ناار هاادئه وعند التقديم ازينه بالكزبره والبقدونس والليمون
روووعه رووووعه روووعه لايفوووتكم
مكعبات لحم مكعبات طماط وكثري منهااا مكعبات بصل وفلفل رومي
اخلطهم مع بعض واحط ملح وفلفل اسود وكاري فقط
واكتمهم على نار هادئه وتمتعي بالذ طعم
وحلانااا كان هذا اللذيذ
كريم كراميل العادي
يم يم
2 ظرف كريم كراميل 2 كاس ماء 6 ملاعق بودره
احط الحليب ثم كاس ماء بارد واذوب الحليب ثم الكاس الماء الثاني واحركهم ثم احط الكريم كراميل
واخليه على النار خمس دقاايق
وبالهنااء والعاافيه
صور عااامه للسفره
وهنا صوورة الكتكوته تبي ردود حلووه تفتح النفس
وسلامتكم اختكم موكاا فراوله