كيفكم قمرات
لاتستغربون ..تقولون مرووج وش عندها الكل يعرف طريقة القهوه يعني وش عند مرووج زووود !!!!!
وانا اقولك
لالاللالالالا فيه كثير مايعرف طريقة القهوه وانا كنت منهم ماعرف كنت اتفشل اول ماتزوجت عند زوجي واهله يوم اسوي قهوتي
مره مويه
مره مره بزياده
ومره هيلها كثير
وكل مره بقصه مع هالقهوه
انا الان الكل ينتظر قهوتي
الترامس كلها تنركن على جنب اذا حظرت قهوتي
اذا حظر الماء بطل التيمم خخخخخخخخخخخخخخخخخخخخ سويتها قصها
المهم مالكم بالطويله
تفضلوا
راح اول شي ارفق لكم الصوره
====================
طريقتي الاولى
وهي تحطي 5 كاسات مويه
2 ونص فناجان قهوه مطحونه ماتكون خشنه لا وواضح لونها قدامكم
6حبات قرنفل وعلى حسب رغبتك طبعا لانه فيه ناس ماتحب القرنفل
تحطي كل هذا على النار وتدي النار وتخليه يغلي ويغلي ويغلي
لمدة تقريبا 8 دقايق
بعدين
زعفران تاخذي باصابعك لاتقللي ولاتزيدي
وملعقتين هيل
في ترمس القهوه
ملاحظه احيان احط ملعقه ونص هيل ونص ملعقه خلطة القصيم
واحيان لا
وهذي الطريقه الاولى
==========================
الطريقه الثانيه
5 كاسات مويه
فنجانين ونص قهوه
فص واحد مستكه خاص للاكل
ورقة شيبه صغيره
6حبات قرنفل
تحطيها على النار
وتخليها تغلي 8 دقايق
وتحطي بالترمس
زعفران
وملعقه صغيره ونص هيل
وملعقه صغيره خلطة القصيم
وبس وسلامة قلبكم
وصحه وعافيه
ولاتنسوني من الدعاء
واللي تجربها تقولنا رايها :angry: