كيفكم ان شاء الله بخير
هذا الله يسلمكم امس انا وبنيتي
قاعده اتصفح في عالم حواء
قالت ماما وش (يأرك) طبعاً هذي كلمه تقولها بنيتي الله يحفظها تقصد وش رأيك ههههههههههه ياحبني لها
وش يأرك نسوي قهوه وانا اللي تطن في بالي قلت اي والله خن نزين لنا قهيوه نسمر بها روسنا هالمغرب
وقعدت افكر وافكر وافكر قلت وش ازين مع القهوة حلى مالي خلق ازين ومايمدي الوقت
الا تطن في راسي ازين قشد ( الغفيص )
وانا اللي ازينه واتقهوى انا وبنيتي فديتها :27:
طبعاً الصغيره نايمه والا انكان ماتقهوينا من حوستها ربي يحفظها هي واختها ويصلحهم
عاد انتم اكيد تعرفون القشد ياهل نجد
عباره عن زبده + دقيق بر + تمر
وهذي صورة قهوتنا
ابي ردود حلوهـ + شكر وبس وتسلمون ياأحلى عالم
