قهوه الكل بيسالك عن سر طعمها

ياجماعه مره بمهرجان بالرياض اخذنا قهوه من يماني وماكثرنا ولمن رجعنا وسويناها اعجبت كل من شربها وفعلا لها طعم يخليك تمخمخين وتهدا اعصابك وتخلي جلستكم رايقه من طعمها انا مابي احرق عليكم الطعم بس لمن سالنا الي بالمهرجان عن محلهم قال هذي قهوه احنا نسويها وبخلطه يمنيه عربيه رايقه ماقصر شرح لنا وش يحط فيها بس مهما تسوينها ماتطلع زي قهوتهم كانها ملكيه كانها قهوة الشيوخ وماتحطين فيها اي نكهه لاهيل لازعفران وكيلوها ب 50 بس مهيب حسوفه كل شي فيها ولذيذه توجه لضيوفكم انا سويتها لاهل زوجي الرجال سئلو زوجي عن هالقهوه وتلقون محلهم بسوق التعمير اعتقد بوابه 23 اسالي عن المحل اليمني للقهوه اليمنيه اسم الي يبيع فيها هايل شاب يمني طيب ومبين عليه سماة العقل والخوف من الله وحلو تعامله مع زباينه حتى لو عنده اي شي جديد يعطيكم تجربونه من شاي وقهوه لايفوتكم بس نصيحه مني قولوا له انكم اخذتوا هالمعلومه من النت عشان يراعيكم لاني والله يشهد على كلامي زوجي مو اي قهوه تعجبه شريت هرري وحمستها ماعهجبته وشريت يمانيه وحمسوها لي برا ماعجبته
هو راعي كيف ويعرف لقهاوي الشيوخ هذا راقت له حتى للامانه انا اليوم رحت للمحل واخذت من عنده 4 كيلو من هالقهوه قولي له ابي قهوه مطريه بخلطتكم وراح يجهزها لك خلال ربع ساعه دوري السوق وارجعي له
واتمنى تعجبكم