قهوه سعوديه تعدل راسك

خوذي قهوه من نوع ( الهريري ** البريه )


اخذيها خضراء

نظفيها من الشوائب والحصى والقشور

لان اذا قعد فيها أي قشر يعفس طعم القهوه


حطيها بصينه الفرن وشغلي الفرن على نار هاددئه من تحت

وحركيها باستمرار علشان مايستوى شئ وشئ مااستوى يعني لين تستوي كلها



وكل بين عشر دقائق طلعيها وانسفيها = انفضيها

علشان تطلع القشور منها

وتخلينها على هالطريقه لين تصير ذهبيه

كلها نفس اللون ترى اذا طلع لو حبه وحده مااستوت او محترقه بتخرب لك القهوه كلها

فاانتبهي وفتحي عيونك زين وشغلي على العالي خخخخخخخخ

_______________________________

وخوذي هيل ونظفيه


القطي = نقي

الهيل الاخضر مايكون فيه شي اصفر

لان لو جتك الهيله صفراء تكون منتهيه مدتها او فيها نقط سود

لازم كله اخضر

____________________________________

وخوذي

عويدي = مسمار

الي يجي مثل المسمار ولونه اسود >>>>>>>> شفتوا كيف الشرح المفروض اصير مديره عليه:(



__________________

الطريقه:

اغلي لتر ونص من الماء

في غلايه القهوه

واخذي


اذا كان فنجالك ق القهوه العربيه صغير خوذي مقدار = 2 فنجال

واذا كان وسط = فنجال ونص


وبعد ما يغلي الماء عدل

ضيفي القهوه عليه وخلي النار هادئه

وخليه لمده 20 دقيقه



نرجع للهيل اطحني الهيل الحاله

واطحني المسمار

واطحني الزعفران


كل واحد لحاله يطحن

وحطيه في علب عندك


ونصيحه لا تطحنين كميه كبيره من الهيل لان يفقد طعمه وريحته

اطحني حق يومين

حضري دله = حراره


القهوه

اذا كان حجمها الي ياخذ 1 لتر

حطي

3 ملاعق الصغيره حقت الحلى ...هيل

والملعقه حق السكر الي نحطها بالسكريه حقت الشاي

خوذي نصها مسمار وضيفيه الى الهيل .

وواكثر من النص الملعقه حقت السكريه زعفران مطحون

وضيفي له ملعقتين حقت الحلى ماء ورد طائفي القاضي

بعد ماتنتهي فتره غلايان القهوه


طفي النار وخلي الغلايه مده 5 دقائق لين تركد القهوه .

وبعدين زليها = صبيها

داخل الحراره وخليها مقدار خمس دقائق لين يطبع فيها الزعفران والمسمار والهيل وماء الورد الطائفي القاضي.:27:




وشرايكم تقلطون عندي :23: