استهدوا بالله يا بنات .. نزلتوا في الازواج و شرشحتوهم و المساكين ما سوولكم شئ ..
حبايبي الناس اصناف و اجناس و مثل ما في نوعيات سيئة من الرجال
في بعد من النساء اللي تخون زوجها ( اعوذ بالله منهم ) و اللي ترمي عيالها لزوجها و تتطلق و اللي و اللي .. الخ :44:
و اذا على سالفة الصبر على الزوج اللي حارقة قلبك يا تنتوفة الحلوة ان شاء الله لما الله بيرزقك و تتزوجين بتفهمين ليش الحريم يصبرون على ازواجهم
ولا انتي فاهمة ان الحياة الزوجية تفاهم و حب و دلع و بس خلاص :23:
لا يا حبيبتي بعد الزواج تتولد علاقة بينك و بين زوجك و رابطة اقوى من الحب
شئ غريب يخليك تحسي ان هالانسان هو حياتك كلها هو اهم من شغلك و من صديقاتك ومن كل شئ حولك :39:
و صدقيني لما يصير اي زعل بينكم تحسين بغصة في قلبك و حرقة و حزن غريب و كأن قلبك بيتقطع لانه زعلان منك حتى لو كان هو الغلطان

العلاقة الزوجية يا حبيبتي هي خليط من الحب و التفاهم و الغيرة و الاحترام و الخوف على بعض و فعل اي شئ في سبيل ارضاء بعض بغض النظر مين زعل مين لان انتي و هو روح واحدة

و الحريم طريقتهم في ارضاء الزوج تكون في التزين و الكلمة الحلوة و انها تكون ودود ولود مثل ما الرجل طريقته في تلبية احتياجاتهم و مطالب عائلته يعني هذي كلها مجرد سبل لغاية واحدة و هي السعادة الزوجية.

اما مشكلة الاخت اللي زوجها ما ادري شو سوى عليها فهذي بزيادة يعني واضح ان زوجها مريض نفسيا و ان ما في ذرة احترام لها كزوجة الله يهدي زوجها بس .. معقولة في ناس كذا !!!!

السلام عليكم ورحمة الله

ثانيااعوذ بالله من الشيطان الرجيم الف مره <<< عشان ما انفعل عليكم :o

اول شي مكشوره لك اخت سويتي مو عشانك ايدتي رأيي لا

عشانك قدرتي انفعالي والقهر اللي فيني من االلي اشوفه فالمنتدى من الرجال وعمايلهم

والللي اشوفه من ردود الفعل السلبيه من النساء والتخفي او على قولتهم

اوطي راسي لحد ماتمر العاصفه

*********
اختي سم وحدا << نكك غريب

برضو اشكرك انك تفهمتي تعصيبي واعتبرتيها فشة خلق من جد ولا زعلتي مني


وبالاخير هذا رأيي ماجبرت احد عليه واتمنى تحترمونه مثل ماحترمت آرائكم

*******

اختي نفحة طيب

انا ماتكلم مجرد اني اعارض وبس او اني اتخيل الحياه ورديه وبس

عارفه زين ان اللي يتزوج بيعمل حسابه ان الحياه فيها الحلو وفيها المر

وماتحس بالحلو لين تذوق المر

ومانتظر من الزوج يكون كامل ومثالي ماكامل الا وجهه سبحانه

لكن مو معناة كذا اني اقبل الاهانه او النقصان او الاهمال لمجرد انه زوجي

مافي دين على وجه الارض يقول كذا

ومثل ماعلي حقوق ايضا لي حقوق ولازم اطالب فيها وما اتخلى عنها << اتكلمم بلسان المره بشكل عام مو بلساني بس

ويا اختي نفحه انا ماقول فالمتلتزمين شي وحاشاهم اني انقص فيهم او اشكك فالتزامهم

لكن انا كنت اتكلم على اساس كلام الاخت اللي قبلي قالت ان >> بعض الملتزمين خربوا

وانا تكلمت من الناحيه هاذي ولا عميت على احد

واذا زوجك ماشالله متلتزم بمعنى الكلمه ومرتاحه معه الله يخليكم لبعض ويزيده انشالله ويتمم عليه

بس اذا زوجك اني كذا مو معناته كل الرجال كذا


وارجع اقول انا ماعميت احد بكلامي

***********************
واختي فرحة القلب لي كلام كثير معك يا عزيزتي

اولا انتي قلتي

كيفكم يا بنات بصراحه انا ما حبيت أرد من البدايه لكن أشوف الأمور زادت عن حدها مع اعتذاري الشديد للجميع
الموضوع كان مشكلة واحده من الأخوات طرحتها الأخت كهف المساء لكن بدل من ايجاد الحلول بدأ الجميع بالهجوم
*****
حبيبتي انتي لو دققتي فالموضوع الاساسي بتلقين ان المشكله كانت كمثل ومقدمه لموضوع الاخت

واللي هي طلبته حرفيا ...الللي بنسخه لك الحين




يعني الان هذي اصبحت ظااااااااهره

ماهي اسبابهاااااااااااااااااااااااااااا؟؟؟؟؟؟؟؟؟؟؟ظ
هل الزوج لسبب
ام الزوجه؟؟؟؟؟؟؟؟؟؟؟؟؟؟؟
ام الفرااااااااااااااااااااااااااااغ


كل وحده تذكر لي سبب ارجووووووووووكم

بعدين راح ابحث معكم عن الحلووووووووووووووووووول
*************

يعني ياعزيزتي الردود لاصارت هجوميه ولاشي

احنا قاعدين نبدي اراء نا مثل ماطلبت الاخت كهف ومحد طلع خارج نطاق الموضوع

واعتقد انك تتفقين معي اختي ان كل واحد له حرية ابداء الرأي

وفالاخير بنجمع الاسباب من وجهة نظر مختلفه ونحاول نوصل لنتيجه مقنعه

وبالنسبه لكلامي اختي فرحه وبالذات الجمله هاذي

(( الدين صالح لكل زمان ومكان )) لو انتي دققتي بردي زين يالغاليه بتلقين انه يوافق الكلمه هاذي تماما ومايعارضها ابد

ومن انا عشان اقول ان الدين مو صالح لهالزمان ووش جاب سيرة الدين اصلا من الناحيه هاذي

انا كلامي كان كله على اساس ان الرجال الله يهديهم بطلوا يصيرون من رجال اول اللي كل الصفات الزينه فيهم

عشان كذا استنكر ان المرأه تتمسك بايدينها واسنانها بزوج

سكير او مقامر او مايصلي او يضربها ويهنيها او اي شي كبير زي كذا

وماعتقد احد يخالفني من هالناحيه

لان اللي يسوي هالكبائر من ترك الصلاه وسكر وخمر وغيره وش ترجين منه ؟؟

لو تصبرين عليه من هنا ليوم الدين

ماراح يجيك من وراه الا التعب النفسي والامراض والاكتئاب ويمكن تفرطين بيوم من الايام وياكثر ماسمعنا عن هالاشياء بسبب معاملة الزوج واسلوبه مع اهله


اما بالنسبه لجملتك ((فيه بعض الرجال خاينين وتعاملهم زفت مع زوجاتهم لا ننسى كمان إن فيه زوجات ما يحترمون الزوج و لا يعطونه أي حق من حقوقه ))

اختي الموضوع مطروح اساسا عشان الرجال مو عشان النساء

وانا ماجبت سيرة خيانه النساء او تقصيرهم لانه خارج نطاق الموضوع

ولو كان القصد من الموضوع اننا نناقش المشكله من ناحية الزوجه والزوج بتشوفيني اول وحده تأيد رأيك ان مثل ماالزوج يغلط برضو الزوجه


لكن الموضوع الاساسي مايتطرق لهالشي فليش تحاسبيني على شي مو مطلوب اصلا


وبالنسبه لكلامك هذا ((
أجل وش لون ترضونها للرجال تعممون عليهم أقول لكل وحده مؤمنه بالشيء هذا أبوك أو أخوك خاين حتى لو كان
ملتزم أكيد ما راح ترضونها عليهم فلا ترضونها بعد لغيرهم ))

ياعزيزتي الموضوع يتكلم عن الرجال اصحااب المشاكل مو عن الرجال الخيرين

ههههههههه يعني المطلوب مننا اننا نعرض ارائنا بخصوص الجهه الغلط منهم وندور حلول

مو المطلوب اني اكتب مآآثر الرجال وامدح فيهم وفصفاتهم

كل الرجال الطيبين على عيني وراسي وانا ماعميت احد ولا شككت فاحد او ظلمته


كلنا نتكلم عن الجهه الغلط فعلى اي اساس تحاسبيني على اني مامدحت الباقين او عممت

الموضوع اساسا مخصص الرجال البائسييييين فشي طبيعي اني اتكلم بصيغه تعمم الجهه هاذي من الرجال



اما كلامك هذا ياعزيزتي
((( كل وحده مالها شغله الا وش البس له ووش اطبخ له ووشلون ارضيه اذا زعل ووشلون استقبله اذا سافر
ووشلون اسويله ليالي حمرا وخضرا وصفرا ياربيه صار همكم بالحياة بس رجالكم )))
أين أنت من كلام سيد الخلق أجمعين / حسن تبعل إحاكن لزوجها يعدل ذلك كله /
يعدل ماذا أختي يعدل الجهاد في سبيل الله وبذل النفس لرفع كلمة لا إله إلا الله
و ماهو التبعل أختي أليس الإهتمام به وبأكله و شربه و ملبسه و جميع احتياجاته ،، إذا فعلا ذلك كأننا مجاهدات في سبيل الله .

فارررررجع اقولك اني اتكلم عن النساء اللي ازواجهم يهينونهم ويقصرون معهم ويهملونهم ويغلطون فحقهم ويخونونهم ويكون جزاء ازواجهم منهم هو التزين والتعطر والتجمل ؟؟
وبعد ماتهلك الزوجه من كثر الاهتمام بكل شي ولاتلقى نتيجه تتعب وتشتكي وتقول ليش وليش ؟؟ عدلي زوجك اول وفهميه اخطاءه ووقفي قدامه بكل قوتك وطالبي بحقوقك بعدين عطيه حقوقه وعلى العين والراس

فهمتيني اختي فرحه

انا عارفه زين ان الزوجه مطالبه انها تهتم بنفسها وتغض بصر زوجها وانه شي بتحاسب عليه يوم الحساب وانها لازم ماتقصر معه ابد وانا مو ضد هالشي لامن قريب ولا من بعيد

لكن انا اتكلم عن زوجه زوجها يضربها ويهينها وياخذ فلوسها كل آخر شهر ويخونها ويهملها او باي شكل من اشكال التقصير

ومايلقى منها شي يردعه او ينبهه او يحسسه بذنبه

يسوي الغلط ويلقى جزاه التصفيق والاهتمام والاحتواء من زوجته اجل شلون بينصلح حاله اذا مالقى وحده توقف له بالمرصاد وتطالب بحقوقها كامله مثل مالشرع والمجتمع يطالبها انها تكون له زوجه بمعنى الكلمه


والزوجه اللي تسوي كذا على الرغم من عمايل زوجها تستاهل اللي يجيها واكثر

لان اللي يهين نفسه ماراح يلقى من الغير الا الاهانه والذل

عزي نفسك يعزك زوجك وطالبي بحقوقك مثل مايطالبك

الشرع هو اللي اعطاك هالحقوق واباح لك تطالبين فيها

ععلى اي اساس تتنازلين وتتذللين ؟؟ وفالاخر تجين تقولين مانفع معاه شي من طيبي



وكلاامك هذا يافرحه ((
((( خلوووووهم يروحون ماهوب حسافه والحساب يوم الحساب
وكل وحده تصحى لنفسها ولا تتنازل عن حقوقها ))))
أين انت من كلام سيد البشر عندما قال // خير النساء الودود الولود التي إذا غضب زوجها قالت هذي يدي بيدك لا أكتحل بغمض حتى ترضى )) اعتقد اني رديت عليه فوق

اني ماقلت شي ولا اتجرأ اقول شي بكلام اله سبحانه وتعالى ورسوله الكريم

لكن الله سبحانه وتعالى عطاك حقوق تضمن لك سعادتك الدينيه والدنيويه
ليش تتنازلين عنها وتجين تشتكين

اذا كان قصدك الاحتساب والاجر والثواب يالمتزوجه اللي تصبرين على هالنوع من الازواج

اجل لاتجين تشتكين لنا لان اللي يحتسب عند الله مايقعد ليله ونهاره يتشكى ويتذمر من مشكلته اللي طالب من وراها الاجر نلاقى الزوجات يعلون قلوبنا بازواجهم والسبب منهم اصلا مو بس من ازواجهم

اللي يشتكي ينتظر الحل ويطلب المشوره

والمشوره ماتحتاجها الزوجه مننا لان الشرع كفل لها كل حقوقها وكل اللي عليها ماتتنازل عنهم

مو تتتنازل عنهم 10 و15 سنه وبعدين تصحى من سكرتها وتقول ابي حقوقي


اتمنى اختي فرحه تكونين فهمتيني وانا ماشرحت لك اللي فقلبي واسترسلت الا عشان تعرفين اني مو ظالمه احد ولا احب انكم انتم خواتي تاخذون مني موقف

اما اختى ... الغاليه ساره

هذا نص كلامك((
(( أول ما يغلط عليك إزعلي وسويها سالفه ولا ترضين بسرعه0000 على أساس يحس بقيمتك ))
العكس أخواتي00لو سويتي كذا راح يستحقرك وبيقول هاذي من أولها تزعل من الأشياء التافهه البسيطه
أجل وش بتسوي بعدين من الأشياء الكبيرة00تعرفون لابد من بعض المشاكل))


وهذا نص كلامي ويثبت براءتي ((
لو كل رجال حس ان زوجته من اول غلط يستاهل ... راح تتركه ماكان غلط))
تقدرين ترجعين للموضوع وتشوفينه


وواضح فيه الرد على كلامك انك تقولين اذا زعلت الزوجه من زوجها بيحتقرها وبيقول انها تزعل من اشياء تافهه

انا قلت فردي اذا غلط غلط يستااااااااااهل ازعلي منه وخوذي موقف

ماقلت على كل شي تافه وبالطالعه والنازله ازعلي

يعني انا ماظن قلت شي غلط لما اقولك طالبي بحقوقك ولاتسكتين عن حقك

الله سبحااااااانه وتعااااااالى فضل المؤمن القوي على المؤمن الضعيف

اللي مايقدر ولايتجرا ياخذ حقوقه او يطالب فيها فهمتيني اختي

وبالنهايه انا عارفه ان هذا رايك وانتي حره فيه واحترمه جدا جدا



واتمنىى محد يزعل من رأيي او يكلمني بهجوميه

لان المطلووب فالموضوع مو ان كل وحده تنتقد رأي الثانيه

المطلوب هو ان كل وحده تقول رأيها


ومازلت اردد واقول لين الممات

لاتتنازلين عن حقوقك

واذا ماخذتيها بيدك

لاتنتظرين احد يعطيك اياها


واذا ماعزيتي نفسك


ماراح تلقين اللي يعزك

وطول منتي ذاله نفسك وقابله الاهانه

لاتنتظرين الحب والتقدير على هالشي


والكلام هذا مافيه اثاره للزوجه عشان تقسى على زوجها او اننا نشجعها على الغلط



لكن حقك وربك عطاك اياه ليش تتركينه؟؟؟



اخيرا اعتذر عن الاطااااااااله وشكرا لكم


زعيمة حسب المعارضه تنتوفه حسب الله :55:


ياحبيلي :23:

هلا فيك أختي تنتوفه حسب الله <<<<< خخخخ
حياك الله أختي و صدقيني ما صار شيء و لا راح ناخذ منك موقف و لا شيء
بس لازم نوضح وجهات النظر بيننا وهذا اللي صار
أختي انا قلت الدين صالح لكل زمان و مكان نتيجه لكلمة انت قليتها وهي (( الكلام هذا قالوه عن رجال أول لما كان
الرجال قول و فعل مو شنب و شماغ ))
كيف يعني الكلام هذا قالوه عن رجال أول يعني رجال اللحين ما ينفع معهم <<< لاحظي اختي انك عممتي على الكل
وهذا نص عبارتك بالكامل نسخته لك
((( والله ورسوله عليه الصلاه والسلام قالوا ان الزوج ممكن يكون سبب لدخول الجنه
وان الزووووج لو كان ينفع كان ينسجد له
زين ماقلنا شي
بس خليه يصير رجال وزوج بالاول بعدين تعالي قولي كذا
الكلام هذا قالوه عن رجال اول لما كان الرجال قول وفعل مهوب شنب وشماغ )))
عشان كذا اختي انا قلت لك هذي الكلمه
و بالنسبه لموضوع النساء أنا ما طلبت نناقش موضوعهم لا انا حبيت أوضح انه لازم ما نعمم الكلام زي حنا يا الحريم ما نحب أحد يعمم علينا الكلام <<< يعني كان مجرد مثال

و بقيت الموضوع بالكامل كان توضيح انه لازم ما نعمم على الجميع وانا أذكر اني قلت ان اللي ما يصلي ما يجوز
أصلا تجلس معه الزوجه
وهذا كلامي بالنص
((( أختي انا ما أخالفك في كلامك عن السكير أو اللي ما يصلي أصلا اللي ما يصلي ما يجوز تجلس معه زوجته
لكن سواء كانت اازوجه أو الزوج جميعا بشر و جميعا نخطأ و نصيب و الخطأ ليس حصرا على الزوج و أي حياة زوجيه لابد تتعرض لمشاكل لكن لا أحد يرضى على نفسه الإهانه هذا صح لإن اللي تهون عليها نفسها راح تهون حتى على عند غيرها
و بالنسبه لطلاب العلم الملتزمين ما أظن إنهم يخطأون خطأ بهذا الشكل لإنهم يعلمون حرمته عند الله عزوجل
أرجوكم أخواتي لا تعممون الكلام على الجميع حتى لا تكسبون إثم ناس مالهم ذنب إلا إنهم رجال ))) .

يعني كلامنا كان واحد


وفي الأخير حبيبتي أنا شاكره لك توضيحك لي معنى كلامك فيا ليت انت كمان تتقبلين توضيحي لك بمعنى كلامي

وفي الأخير صدقيني حنا أخوات وما في بيننا شيء مجرد اختلاف في الرأي
و الله يرزقك بالزوج الصالح و الذريه المباركه يا رب :26: :26:

والله ياتنتوفة كلامك عجبني و80% منة صحيح واتمني لك من كل قلبي ان يسخر الله لك الزوج الصا لح الي يسعدك وتقبلي تحياتي.. :26: :10:

هـــلا وغلا بخيتي فروحه <<< فرووحاا حلوواااا خخخخخخ :o

فرووحه ياقليبي انتي بستقعدلك انا ;)

ارجع واقوولك انا ماعميت لاني احب ابوي واخواني وخوالي وعمامي وكل ابو اهلي خخخخخخ فمستحيل اعمم الرجال كلهم خصوصا ابوي فديت رجووله

وانتي يالغاليه لو بس طالعتي تحت الكلام اللي نسختيه شوي بتلاقين اني فبداية ردي صنفت الرجال اللي اتكلم عنهم <<<< خخخخخ حشى مجموعات غذائيه مهوب برجال :o

ياخوفي يا فروحه ينقلون الموضوع قسم الطبخ والنفخ :23:

شوفي ردي

الكلام هذا قالوه عن رجال اول لما كان الرجال قول وفعل مهوب شنب وشماغ


رجال اول اللي دينه يوزن جبال ومعاملته لاهله احسن معامله ويعرف وش معنى مرأه وزجه واخت وام

الزوج اللي يصرف على بيته ويخاف على اهله ويحفظهم بغيابهم

الزوج اللي يربي اولاده ويحرص عليهم

مهو الزوج اللي انتم خايفين عليه لااااااايطير؟؟

الللي ماله شغله الا يتافف ويتذمر من شكلك ومن لبسك

اللي مايعجبه العجب

اللي مايصلي بالمسجد الا يمكن يوم الجمعه

اللي تارك مصاريف البيت والعيال عليك؟؟

اللي طول وقت فراغه ياعند النت ولا عند التلفزيون

اللي مضيع حياته مابين اصحاب ولعب ورقه وشيشه وسهر للصبح


بالله هذا الرجال اللي خايفين عليه وتسوون كل اللي تسوون عشانهم؟؟

خلوووووهم يروحون ماهوب حسافه والحساب يوم الحساب

وكل وحده تصحى لنفسها ولا تتنازل عن حقوقها


************

فبما انتي صنفت الرجال
فشي طبيعي اني اتكلم بعد كذا بشكل عام يعم الرجال اللي صنفتهم << فصيلة برمائياات خخخخخ


طبعا التوضيح هذا مهوب لك بس يافرووحتي ... لكل احد يقرا ردي عشان يفهم وجهة نظري


وألف شكر لك يالغاليه انتي وخيتي زرعه على دعووااتكم الحلوه الله يقبلها انشالله ويجعلكم مثلها ... واتمنى بجد محد يكون زعل مني

وفي ختااام حلقتنا لهذا اليوم من برنامج الاتجاه المعاكس ;)

لايسعناااا سوى الدعااء في ظهر الغيب


ان الله يصلح رجاال المسلمين >> وخصوووصاا رجاال حررّماا عالم حواااء خخخخخ

والله يصبر حريمهم عليهم


ويااااارب


يااارب انك تصلحــهم


ولا تاخذهم وتفكناا من شررهم خخخخخخخ :o

<< بتندبج :22:

دعوووووتي المفضله يالله يانك تصلحه ولا تاخذه وتفكنا من شره :(


اختكـــم تنتووفه حسب الله