وبه نستعين
والصلاة والسلام على سيد المرسلين
بعد التهديد والوعيد اليومي قلت بس مافيه بعد صبر لازم أنزل هالطبخه اللي بتوقيعي والاراحت عليج ياأم الذرابة
وصلتني رسايل وااااايد تبي طريقة الطبخه اللي بتوقيعي وأنا أرد واقول عن قريب لووووووعت جبودهم
قاعده أثقل شوي وتدلع ذروووووبه روحها
شوفوا بس رسالتين من عدة رسايل
( 1 )
السلام عليكم وبعد...شل الحركات اللي تخلي عصافير البطن تصرخ مو تصوصوانا مااتحمل لان مثل هالصور تعتبر من اسباب ازعاج الصلطات وانا احذرك من تاخير نشر الوصفه لانها مو من صالح الشعب
( 2 )
السلام عليكم....
كيف الحال ؟؟ شلونك يا شيف ام الذرابه؟؟
ارحمينا من الصوره الي بتوقيعك كل ما اشوفه اوقف ساعه اتأمل
وش الطبخه كنها بطاط عليها جبن سايح يم يم!!!!!!!!
ياليت نعرفها عاجلا غير اجلا لاني بديت اجوع بقوووه ههههههه
ولعيونهم وعيونكم تفضلوا ياأغلى ناسي
المقادير
بطاطس مسلوق ونقطعهم من النصف ونقورهم
دجاج
كاس حليب
ملعقة نشا
ملعقتين طعام زيت الزيتون
مكعب ماجي
ملعقة صغيرة اجينا موتو
الطريقة
سلقنا البطاطس وقطعناه أعلى من الوسط وحفرناها بهذي الشكل
نقطع الدجاج قطع صغيرة
نضع في المقلاه قليل من زيت الزيتون نضيف عليه الدجاج المقطع ونقلبه مع بعض
ناخذ الحليب ونسخنه ونذوب فيه مكعب ماجي وملعقه اجينا موتو ونضيفه على الدجاج
ونقلبه لغاية مايقل الحليب ويثقل السائل
ناخذ بياله ماء ونضيف لها ملعقه اكل نشاء ونذوبه ونضيفه على الدجاج
نحشي البطاطس ونضيف الجبنه على الوجه
وندخلهم الفرن ونحمرهم من فوق
الباقي من البطاطس اللي طلعته من الوسط هرسته وسويت صينيه
يعني بطاطس بعدين نفس الحشوة اللي زادت وبعدين بطاطس ورشة جبن
وندخلها الفرن ونحمرها من فوق
وهني مري على قلوبكم
دعواتكم وردودكم ياحلوووووووووين
