قوارب البطاطس ....

السلام عليكم و رحمة الله و بركاته ..


المقادير و الطريقة :

الخطوة الأولى : تجيبين بطاطس على حسب الكمية اللي تبينها و تقشرينها و تقطع من بالطول من النص و بعدين تجيبين ملعقة أو ملعقة الآيسكريم الصغيرة و تحفرين بها البطاطس من الداخل علشان تكون مثل القارب و إحفريها لكن لا تحفريها كثير و في نفس الوقت لا تخلينها سميكة كثير .. و بعدها تغسلينها و تقلينها في زيت عميق لين ما يصير لونها ذهبي أو تتحمر شوي و تصفينها من الزيت و تصفينها في صينية ..

الخطوة الثانية : بعد كذا جيبي لحم مفروم على كمية البطاطس مثلا إذا كان عندك 4 حبات مقابلها كوب لحم مفروم و طماطم وحدة و بصل وحدة و ثوم 2 فص و صلصة طماطم 1 ملعقة كبيرة .. و قلبيه في زيت على النار لين ما ينشف الماء اللي فيه و ثم حطي البصل و الثوم و تركيهم شوي و ثم حطي الطماطم و البهارات و الملح و الصلصة و حركيهم و إتركيهم لين ما يذوب الطماطم و ثم إرفعيه عن النار و حطي عليه ملعقتين شاي جبن سائل و حركيه و إتركيه على جنب ..

الخطوة الثالثة : بعدين تحضرين صلصة البشاميل بخلط ( 1 كوب حليب سائل + 2 ملعقة زيت + 2 ملعقة طحين ) و تحركينهم على نار متوسطة لين ما تثقل .. بعدين تجيبي قوارب البطاطس و تحشينها من اللحم لكن لا تملينها كثير و ثم حطي البشاميل و ثم حطي بقمع الكريما جبن سائل و إضغطي خط بالطول على القارب و إدخليها الفرن من الأعلى بس لين ما يسيح الجبن و تتحمر شوي .. و بعدين تقدم ..


بالعــافيـــــة .......

جربوها و الله طعمها حلو مره ....




أختكم : ســـــــــالـــــــي