كيف حالكم ان شاء الله طيبين
اليوم جالسه المغرب فاضيه واذا بي تحمست و قلت وراء مااسوي لاهلي عشاء فخم وفكرت وقلت مالي الااسوي قوارب الباذنجان لاني ادوخ بي طبخه بها بذنجان وجنبها سويت سلطة بطاطس وزبادي
أتمنى تعجبكم
نبداء اول شي بقوارب الباذنجان
المقادير:
باذنجان حجم متوسط حسب العدد
صدور دجاج مقطعه مكعبات صغيره
بصل مفروم
ثوم مهروس
فلفل اخضر بارد مقطع مكعبات صغيره
بقدونس مفروم ناعم
زيت+زيت للقلي
رشة ملح
رشة فلفل
رشة بهارات مشكله
ببريكا
رشة فلفل احمربودره حار ""حسب الرغبه
الطريقه:
اول شي نغسل الباذنجان ونقسمه نصفين
وننقعه بماء وملح نصف ساعه
ونطلعه وننشفه من الماء
ونقليه بزيت عميق متوسط الحراره لحد مايصير ذهبي
نطلعه من الزيت ولما يبرد نفرغ لب الباذنجان بملعقه ونخليه على جنب
نصف القوارب في صينيه خاصه للفرن ونرش عليها ملح وفلفل
بعدين على النار نسخ شوية زيت بمقلى وننزل فيها البصل والثوم ونقلبه لحد مايذبل
وننزل عليه الدجاج ونقلب
لحد مايستوي الدجاج
وينشف الماء
وبعدين نضيف عليه رشة ملح وبهارات مشكله على حسب اختيارك والببريكا
ونقلب ولما يبرد الدجاج نضيف عليه البقدونس المفروم والفلفل البارد
ولب الباذنجان بعد مانفرمه بالسكين
ونحشي به القوارب ونسوي صلصة الباشميل المعروفه
ونغطي القوارب بها ونرش على الوجه جبن شيدر مبشور وجبن بارميزان
وندخلها بالفرن لحد مايتحمر الوجه
\وبالعافيه على قلوبكم
ثاني شي سلطة البطاطس والزبادي
المقادير:
2/حبة بطاطس مقطعه مكعبات
3/حبة جزركبير مبشور
2/علبة زبادي
4/ملاعق مايونيز
1/فص ثوم مهروس
رشه ملح
ملقه صغيره خل ابيض
الطريقه/
نسلق البطاطس نصف سلقه
ونخليه يبرد
ونخلطه مع الجزر المبشور
وفي زبديه ثانيه نخلط المايونيز
والزبادي
والملح والخل والثوم لحد مايتجانس
ونقدمها بزبديه ونرش عليها نعناع جاف عشان تخفف من طعم الثوم وريحته
اول طبخه للي بالمنتدى:icon28: وابي رايكم بصرررررراااااحه
واتمنى تعجبكم حبوباتي:)
مشالله تبارك الرحمن
شغل روووووووعه ومرتب
بالف صحه وهنا على قلوبكم
جوعتييييييني مره
صغرتلك الصورة ياعسل
وتستاهليين التقييم
الله يسلم الايادي يااااااارب
وان شاء الله ماتكون اخر طبخه
ماننحرم منك يارب
دعواتك