اخباركم وعلومكم
هالمره حلانا كشخه ويواجه وطعم اممممممممم خيالي رووووعه
حلاي اليوم بسيييييييييييط وسرييييييييييع بس مافيه سبونج بوب
<<<يازين الزعلانوالله ياطويلات العمر انا سالفتي سالفه انا تجيني حالات اشتهي حلا بس مافيني حيل اقوم اسوي اتعيجز
فاقربها اخذلي اي كيكه او بسكويت قدامي وان صادف ونزلت مع ابو الشباب السوبر ماركت
اخذ نصيبي مما لذ وطاب بس جتني فتره ومليتهم خلاص ابي شغل يد والله ان الباشا يخبر
انه من شهر جاب مجموعة من الخرابيط والا يومكم هذا موجوده مللت الحلويات الجاهزه ودي بشغل يدي
فقلت يامره يومتس تجلسين فاضيه بالساعات وراتس ماتلحلحين من مكانتس وتسوين حلا طواريء
ماتدرين متى تشتهين حلا وتقعدين تحوسين مكانتس وبالاخير تاخذين لتس كيك بنتس والا بسكوته
فسمعت كلام نفسي وتلحلحت واطير عالمطبخ واشوف وش عندي وش ماعندي واقوم اجمع قرابيعي كلها
وفي الاخير رجعتهن ومااستعملت الا كم من شي بسيط اكيد طفشتوا من كثر قرقي بس عادي تحملوني مالكم
الا الصبر عاد ياني كثيرة قرق الله يكون بعون المسلمين ونظرا لان الموضوع صغير فودي اكبره كود ينفعني لاكبر
المهم ماودي اطولها عليكم ادري ان ودكم تعرفون وش هو هالحلا حلا الطواريء ويييييه ياحبني لي
خوذوا معي المقادير والطريقة مره وحده ماعاد في وقت
كاكاو خام يذوب على النار مع جالكسي ثمن تحشينه بقوالب البيليسيه
حتى ياخذ شكل القالب ومفرغ من الوسط زي الصوره وطبعا انا اخذهن واحطهن
بحافظه بالفريزر ولاشتهيت اطلع منها
واجهز حشوتي اي حشوة تبين يعني لاتتقيدين بحشوتي مره حشيتها نستله وكيري وحطيت عليها توفي من فوق
وهنا خليتها ايس كريم حشيتها بدريم ويب مع حليب بارد بعد ماخفقتهم بس ماخليته يصير كثيف يعني بمجرد
ماانخلطوا مع بعض وتماسكوا حشيتها القوالب
ومره اخليها سميكه وارش عليها من فوق فستق مجروش او ماتشتهين حتى لو فارمسيل
وهنا بعد ماحشيتها
وقلت جاء دور التزيين فاخذت ملونات الطعام واعواد اسنان وهات ياخربشه
مابعد قضت الصور
هااااااه شفتوا كيف انه سهل وسريع ويواجه ولذيذ
انا لاشفت نفسي فاضيه اسويه واحفظه بالفريزر للطواريء
اتمنى انه يعجبكم وتسوونه صدقووووووووووني خيالي
وعاذ لاتنسوني بالدعوات الطيبه كل وحده واللي يطلع من خاطرها
انتظروني قريب في حلا اممممممم عذااااااااب
في حفظ الله