بارك الله فيكم يالغوالي
اكرمتوني بدخولكم لموضوعي هذا حلى شهرياً اعمله وبفرزنه
وينفع لضيوف الفجأه لانه جداً سهل وبسيط
ومقاديره متوفره بكل بيت
نبداء ببركة الله
اول شيء بنعمل كيكه بالشوكولاته ( صينيه كبيره )
اعملي كيكتك المعتاده او جربي كيكتي وصدقوني راح تعتمدونها لانه هشه وحلوه
المقادير
2 بيض + كوب سكر + كوب ماء + فانيليا ( استخدموا السائله اطعم وريحتها نفاذه ) +ربع كوب زيت +2 ملاعق باكنج باودر + 3 ملاعق شوكلاته بودره غامقه + رشة ملح
تخلط في الخلاط لحد ماتطلع الرغوه ثم اضيفي كوبين دقيق اثناء الخلط واخبزيها كالمعتاد
بعد ماتستوي خليها تبرد على جنب
اخلطي نص كوب كريمة خفق لحد ماتصير ثقيله ثم اضيفي 2 ملاعق زبدة فول سوداني + مغلف كريم كراميل + 2 ملاعق جوز هند ( على حسب الرغبه )
لمن يتجانس الخليط .... نفتت الكيكه ونعجنها بخليط الكريمه بتتشكل عجينه متماسكه
(انا استخدمت الخلاط متعدد الاستخدامات مقارب للعجانه بس افضل منها واضيف الكيك على الكريمه بعدما تجهز في نفس الخلاط)
استخدمت اوراق البليسيه الصغار على حجم الغطاء الي يجي مع شراب الفيفادول
تابعوا الصور وراح تفهموا الطريقه
بعدمااخلص من تشكيل الكيك احطه في علبه بلاستيك واقفلها زين مازين وافرزنها كل شهر بشهر ه
لان ماشاء الله عيالي وزوجي يحبوا هالنوع :39:
الحشوه انتي ممكن تتفنني فيها
احيانا نوتيلا واحيانا كريمة خفق او دريم ويب
بس في الغالب اخذ كيس شوكولاته دمعات واضيف لها ربع كريمة خفق واضعها على النار مباشره واحركها بسرعه لحد ماتذوب وقبل مااطفي النار اضيف ملعقه زبده تعطيها لمعه خياليه
الحلى هذا لازم يكون بارد ...
وبصحه وعافية
هنا الصور والطريقه واضحه
هنا لمن حشيته بشوكلاته مذوبه بكريمه خفق + ملعقه زبده
يمي يمي اشتهيتها والله وزينتها بشرائح لوز
( هذه الصور من ضمن حفله عملتها لزوجي لمن ترقى بعدين انزلها بموضوع مستقل )
وهنا لمن رصيتها بعلبه بلاستيك وجهزتها لتفريز ( فرزنوها بدون ماتحشونها ) وتقدروا تطلعوا من الفريزر على طول للأكل لاتخليها تفك بروديتها ابداً تسيح وماتصير طعمه
لاتنسوا يالغوالي صيام بكره الأثنين الله يكتب لنا ولكم الأجر العظيم اليوم اذا راح مستحيل نقدر نسترجعه فحاولوا تستغلوا حياتنا بالصيام والتقرب لله لاننا ماراح نعيش الا مرتين
مره ... حياة طاعه وتقرب لله ومجاهده نفس
والمره ثانيه يابنعيم دائم _( اللهم أسألك الجنه وكل ماقرب اليها من قول او عمل )
او بجحيم _( اللهم اني اعوذ بك من النار وكل ماقرب اليها من قول او عمل )
