مراحب ياحلوات
اليوم سويت هذي الاكله سهله ولذيذه ,, وتنفع للعشا فقلت لازم اصور لكم الطريقه وتجربونها :26:
هي عباره عن صامولي بالدجاج وفوقه صلصه بيضا وجبن موازريلا
المقادير:
صامولي
زبده
شاورما دجاج
جبن موازريلا
كزبره مجففه
طريقة الصلصه:
علبة قشطه
ملعقتين جبن كاسات
ملعقه صغيره طحينيه
(( واخلطيهم كلهم مع بعض)) ,, بيصير شكلها كذا
طريقة شاورما الدجاج:
احمسي بصله وفص ثوم مع الزيت وبعد ماتحمسينهم
قطعي صدور الدجاج الى قطع صغيره واغسليهم واضيفيهم ع البصل والثوم
واضيفي عليهم البهارات (( ملح وفلفل أسود وكمون وكركم وخل وبهارات البرياني ))
خليهم على النار وكل شوي قلبيه الين يصير بالشكل هذا
قطعي الصامولي الى 7 قطع
و افرديهم وصفيهم بقالب الكيك
أول شي جيبي قطعه من الحجم الكبير (( اللي قطعناهم ))
بعدين من الجنبين حطي قطعتين صغار
وادهنيهم من الوسط بشوية زبده
وحطي فوق الزبده الدجاج
وفوقهم الصلصه البيضا
ورشي فوقها شوية كزبره ,, ولو ماتحبين الكزبره مهوب لازم :)
وحطي فوقها جبن موازريلا
بعد كذا دخليها بالفرن وحطي النار بس من فوق الين تسيح الجبنه وطلعيها
وبعدين طلعيها من القالب وصفيهم بالصحن
وهذي النتيجه ,, ذوقوها وقولوا لي رايكم :cook:
وبالهنا والعافيه