اذا تسوينها مرة راح تسوينها على طول لانها ما تبالها وقت او مواد زيادة
يمكن اول مرة تكون تبيلها شوية شغل
بس مع الوقت راح اتسوينها وانت مغمضة:
اول شي طبعا صورة قوالب الكيك..............
المقادير:
- بيضتين
- ربع كوب زيت
- ملعقتين اكل مربى فراولة ( او اي مربى انت تحبينة )
- ربع كوب زبادي فراولة ( او زبادي نفس المربى الى راح تحطينة)
( اذا ما كان عندك زبادي فواكة خذي زبادي عادي وحطي عليه ملعقة اكل كبيرة من المربى الي راح تستخدمينة )
- نص كوب سكر
- كوب وثلاث ارباع دقيق ذاتي الاختمار واسمه بالانجليزي ( self-raising )
مقادير الحشو:
- حوالي 6 قطع من جبن الكيري ونقطع الجبنة الى اربع مكعبات
- ملعقتين اكل مربى فراولة ( او اي مربى انت تحبينة )
الطريقة:-
- نخلط اللبيض مع الزيت و السكر و الزبادي و المربى حتى يتجانس الخليط
- بعدها انحط الدقيق ونخلط حتى نحصل على عجينة لزجة ( يعني اذا حطيتي اصبعج تلزق العجينة عليه )
- بعدها انحضر صينية قوالب الكيك ( المافينز ) وانحط في كل قالب الورق المخصص لقوالب الكيك
- انحط في كل قالب ملعقة اكل كبيرة من الخليط
- وبعدها انحط مكعب جبنة كيري ونضغط عليها شوية لحد ما تدخل داخل الخليط
( ننتبة لا ندخلها وايد الى قاع القالب )
مثل الصورة......
- بعدها انحط نص ملعقة اكل صغيرة من المربى فوق الجبنة مث الصورة..........
- وبعدين انحط ملعقة اكل صغيرة من الخلط فوق المربى ونحاول انا انغطي المربى عشان ما يطلع اثناء الخبر
- ونخبزها في الفرن من 20 الى 25 دقيقة وتقدم وهيه دافية عشان الجبنة تكون شوية لينة
وبالعافية
( للامانة انا ماخذة هالطريقة من سلسلة الطبخ العالمي الكاتو السريع و الصور بعد )
اتمنى انكم اتجربونها وتخبروني عن رايكم
مع احر تحياتي