مساكم الله بالخير يالغاليات
مليتي من شكل الكيك المعتاد ؟؟ ودك تتميزي في تقديمه ؟؟
اذاً مالك الا انا :D <<< امانه وش رايكم بالمقدمه والاعلان خخخخخخخخخخخخ
حلى اليوم مثل ماقلت لكم بس والله يابنات شكله يجنن ويشرف للتقديم ..
مااطول عليكم وراح ابداء بالمقادير ..
كأس دقيق / 1/2 كأس زيت / 3/4 كأس سكر / 3/4 كأس حليب سائل / 4 بيضات
3 ملاعق كاكاو بودره / ملعقه ونص بيكنج بودر / ملعقه صغيره فانيليا .
طريقة العمل ..
يضرب البيض والفانيليا بالمضرب الكهربائي لمدة عشر دقائق .
يضاف اليه السكر + الزيت + الحليب مع الاستمرار بالخفق لمده 5 دقائق .
يخلط بالملعقه الدقيق + البكنج بودر ويضاف الى الخليط بالتدريج ويخفق جيداً .
يضاف الكاكاو ويخفق جيداً ..
تجهز صينية قوالب ويوضع بها الورق يدهن وجه القالب بقليل من الزيت .
يسكب مقدار خمس ملاعق في كل قالب .
تدخل القوالب في فرن حار على حراره 130 درجه لمده ثلث الى نصف ساعه .
( يجب عدم تركها لمده طويله لانها تستوي بسرعه )
تخرج القوالب وتترك لتبرد ثم تزين حسب الرغبه ..
انا زينها بالكريم كراميل + نصف علبة حليب نستله + كريمة الكوفي ميت مقدار ملعقتين ( حقت القهوه ) + دريم ويب ..
ضربتهم بالخلاط ووزعت الخليط على الوجه .. وطعمه طلع جناااااااااااان ..
يقدم الكيك بالورق وبأمكانك نزعه وانا افضل تقديمه بنفس الورق ليعطي منظر رائع.
( ملاحظه )
بنات لا تصيرون مثلي مطفوقه وملفقوفه وتفتحون الفرن والكيك مااستوى
انا فتحته بعد ربع ساعه قلت اخاف يحترق مادريت الا يوم انفشش الكيك وبغيت ابكي من القهر هئ هئ هئ هئ هئ
عشان كذا الكيك ماطلع منفوش مره واعذروني -- المره الثانيه ماراح افتحه تووبه ..
واوعدكم لو سيته مره ثانيه راح اصوره لكم من جديد .
الحين اخليكم مع الشكل النهائي وعدة طرق لتقديم الكيك ..
لاتنسوني من دعواتكم الحلوه ... وابغى التطبيق :)