هدا اول موضوع ليا في عالم حوااء
قوالب المفن بالشوكلاته مررره طعمها خرااافي
واللي حابه تسويها انا حاقولكم عن المقادير والطريقه
وبسم الله ابداء بالمقادير
الكوب انا استخدم الكوب الموزون اللي يجي مع بعض كوب ونص كوب وتلات ارباع اكيد تعرفو
الملعقه االمستخدمه الصغيره هيا ملعقة الشاهي
المهم اكمل :
* 3 بيضات
* 1 كوب سكر ناعم
* 1 كوب زيت مازولا
* 1 ونص كوب دقيق ونص كوب شوكلاته بودره (كاكاو)
* نص ملعقه صغيره كربونات الصوديوم
* ملعقه مليانه بكنج باودر
* ملعقه فانيلا صغير
* كوب لبن سائل
* كوب شوكلاته هيرشي
* نص كوب شوكلاته خاام ( انا استخدمت نوتيلا ) ممكن تسيحي في حمام مائي جالكسي برضو
ملاحظه : هذا المفن ممكن يتسوى بالفانيلا بس طبعا بدل كوب ونص دقيق راح يكون كوبين ومن غير الشوكلاته البودره ومن غير الشوكلاته الخام وباقي الخطوات نفسها كاامله
ودحين الطريقه
اول شي تخبطي البيض بالخلاط حق الكيك طبعا مدة دقيقتين تقريبا وبعدين تحطي فوقه الزيت والسكر وبعدين اللبن
ثاني شي راح تنخلي الدقيق والشوكلاته والبكنج باودر والكربونات والفانيلا وتشغلي الخلاطه وتحطيه شويه شويه على الخليط حق البيض الين كلو يتجانس مع بعض راح يسير معاكي شويه تقيل كدا حيكون تمام بعدها تحطي الشوكلاته النوتيلا وتقلبي شويه وتقفلي
ثالث شي راح تحطي كوب الشوكلاته الهيرشي وتقلبيها بالملعقه وتصبيها في القوالب لا تعبيها لعينها يعني خلي شويه مساحه لانها ترتفع فووق
وانا عشان استخدمت قوالب الكب كيك الالمنيوم فدهنتها شويه زيت بس ممكن تستخدمي ورق الكب كيك برضو ممتاز
وهذي الصور تقوول انااا ...
هنا وهيا وسط القوالب .. يمكن تكون مهي واضحه شويه لانو اضاءة المطبخ صفرا مو بيضا
وهنا من الجنب عشان تشوفو كيف يرتفع المفن اللي مهي منفوخه كتير هدي الخليط فيها اقل من غيرها
وهذي صورره مقرربه شويتين
وهذي بعد ما فتحتها من قوالب الالمنيوم مرره تخرج بسهوله ماشاءالله