قولوا لي الحق بدون مجاملة

السلام عليكم
اسالكم بالله قولوا كلمة الحق
في هذا العيد جاتي سلفتي هيه في مدينه ثانيه غير الي انا فيها
فرحت انا والعيال بجيتهم لان زوجي كان مداوم من لساعه 5عصرا الى الساعه5صباحا قلنا يالله نتونس مع بعض
المهم ثاني يوم في العيد طبخت الغداء وتغدينا وطبعا كانها في فندق خمس نجوم ماتشيل ولاتحط مع العلم ماعندي ولا عندها خادمه
المهم زوجي راح العمل الساعة 5
رحت انا وهيه حديقة قريبه من البيت بعد المغرب وعيالي وعيالها في البيت رجعنا بعد العشاء والدنيا حوسة من العيال هيه قالت لزوجها تبغى تطلع قال طيب اخذها واخذ عيالي وعيالها وراحوا وانا قعدت احوس في البيت مع العلم قالت لي تعالي معنا بس رفضت لا زوجي مومعانا
المهم استغرق العمل اكثرمن ساعة واناانظف واكوي وخلافة
المهم رحت اريح شويه وبعدين قعدت عند النت والساعه 2 ونصف ليلا جاوا وطالعت مكان ماينامون وزعلت قالت ليش مافرشتي لنا احنا مرهقين وتعبنين
انا حسبتها تمزح الا هيه صادقه وعصبت ودخلت
وصحيت في الصبح وسويت الفطور ولااكلت وقامت تدق بالكلام الجارح وانا ساكته واحيانا اضحك المهم اصرت على زوجها وسافروا في نفس اليوم وهيه زعلانه
انا حاسة اني ماغلطت مع العلم عندها بنت في ثاني ثانوي
لاهيه ولابنتها سوو شئ وعندها عيال قمه في الفوضى
وتزعل اذا قفلت غرف النوم علشان ماتنعفس
الحين انا حاسة اني ماغلطت وش رايكم