قولوا لي غلطانه والا لا تعبت وانا افكر واحاتي مشكلتي مع زوجي العنيد

احتاج مساعدتكم ومشورتكم اب اعرف أنا غلطانة والا لا

أنا متزوجة من 13 او 14 سنة وعندي عيالي الله يخليهم لي امس صارت لي مشكلة مع زوجي الله يهديه أنا دائما أحاول اتغاظى عن المشاكل اللي بيننا وأحاول اصلح الامور قد ما اقدر عشان عيالي 
لكن الوضع اختلف امس تخيلوا والله يا بنات السبب جدا تافه طلع يشوف المباراة مع اصحابه وفجأه دق علي يسألني اذا عزمت مرآة صاحبه على زواج اخوي قلت له اي بس قلت لها ممنوع اصطحاب الاطفال واعتذرت قام عصب علي ولا يفوتكم صاحبه معاه بالسيارة وسمعني كلام جارح يحز بالنفس وبالاخير قالي والله بنتي ما تحضر الزواج عشان بنت صاحبه مو حاضره واذا اسمع منك كلمة زياده والله احلف عليك ما تروحين أنا بصراحة حز بنفسي يعني ماله حكم على زواج احد من اهلي وجزاهم الله خير قدروه وأعدموا صاحبه مش ضرورة تحضر زوجته غير ان علاقتي معاها عادية طبعا أنا عشت جو الله لا يوريكم لأني افكر في بنتي وشلون يسوي لي مشكله والسبب واحد من اصحابه حسيت الموضوع تافه اصلا بس دخل بيننا رجال اجنبي يعني أنا أتحمل عصبيته وعناده في مواقف خاصة بيني وبينه من شخصه هو لكن هالمرة عصبية عشان صديقه من هو هذا عشان يفرضه علي وعلى اهلي ويسوي لي مشكلة ويهزأني قدامه علما انها مو اول مرة وطنشت بس امس طفح الكيل اقولكم ليش .لانه جاء البيت وشافني وقام يقول خير مين ميت قلت له ايش ؟؟؟؟ يعني ما سويت شي قال لي وبكل برود خير انجرحتي هزيت كيانك أنا أسف خلاص ؟؟؟!!! ومت قهر بس عشان تسوي نفسك قدام صاحبك قمت تهزأ على كيفك وتوريه رجولتك وجيت البيت وتبيني اضحك لك .قلت له أنا ما دام دخل غريب بيني وبينك في حياتنا لميت اغراضي وبروح لأهلي قالي ايش وزي اللي ندم انه اعتذر قلت له يا عزيزي طول عمري تحملتك لان مشاكلنا بينا وما نشرك احد فيها لكن تسوي لي مشكله عشان صاحبك وترجع ولا كان شي صار بس  إرضاء لذاتك قدامه هنا وستوب ما راح أتحمل زعل ،،، وقال طيب ابي افكر في الموضوع (لمة الأغراض) تدرون ليش لأني في كثير من مشاكلنا كان يقولب لمي أغراضك ورحي لأهلك كنت أحاول اهدي الامور وأقول الحمد لله ما يحتاج اروح وسمعتها منه 5 او 7 مرات لكن المرة هذي تفاجأ مني وحس ان الموضوع جدي وانا تعبت معاه كثير يهزأني قدام أهلي واهله وكنت أتحمل واصبر وناقشته كثير وزعلت كثير بس كان يقولي هذا طبعي بتتحملين اهلا وسهلا والا روحي بيت اهلك واللي مجنني الحين دايم يفتح سيرة الزواج ويقولي ان الله أحياني وأحياك متزوج متزوج ويعترف انك مو مقصرة علي بس ما اقدر اشوف الناس يتزوجون 2 و 3 وانا لا
يمكن هذا بعد مو مخليني أتحمل منه الكلمة مع العلم انه يسويلي مشاكل في اغلب مناسبات اهلي واليوم عندهم مناسبة ولا رضالي احضر 
قولوا لي فيها شي يوم عصبت وزعلت والا اما مكبرة الموضوع وش اسوووي يعلم الله معدتي تالمني وراسي مصدع من يومين 
ما اقول الا اللهم أجرني في مصيبتي واخلفني خيرا منها