قولوا لي كيف اتصرف معاااااااه 😒

السلام عليكم اخواتي،،
انا سلمكم الله متزوجه من سنه وشهرين تقريبا والحمدلله عايشه مع زوجي بكفاح وتضحيات مثل اي زوجين يعني مره عسل ومره مر،،
المهم في الفتره الاخيره زوجي كثرت زعلاته في اشياء بسبب واشياء لا كذا من دون سبب،،
طيب المشكله ويييين؟
اني والده من شهر تقريبا وولدي من فتره قريبه طلع من المستشفى ومثل ما انتم عارفين انشغلت معاه وخصوصا اني بكريه يعني خبرررره مااااافيه:huh:
وكان ياحياتي تعبان وممغوص وبس يبكي وماينام والله اني مانمت الا كم ساعه صار لي اسبوع على هالحال،، وابو الشباب الله يطول بعمره متغير معي من يوم طلع ولدي من المستشفى او تقدرون قبلها بكم يوم،،يعني يطلع من البيت ويطول ويسهر كثير وبكل مره يقول مشغول وعندي شغل ومن هالكلام،، المهم قبل امس تقريبا جانا معصب ومقفله معه وقالي لا عاد تتصلين على جوالي وسألته ليه وقالي كذا بس وقلت له طيب الي تامر عليه مع العلم اني لا اتصلت عليه قبلها ولا شي وبعد هالسالفه نام وصحى في الليل زعلان وطفشان ولا يكلمني واذا تكلم يزمر علي وانا بصراحه بلحظتها ماكنت فاضيه له ولا لحكاته لاني كنت مشغوله مع ولدي تعبان وانا بعد تعبانه مانمت وعمليتي توجعني وقلبي متقطع على ولدي يعني مافيني اعطيه وجه ولما شافني كذا قال خليني ازيدها عليها وجلس يقول لي كلام مثل السم يعني مثلا يكلم ولده ويقول انا باخلي امك تربيك وتكبرك وبعدها بارميها عند اهلها ومره يقول امك خبله ومره يقول ابي اروح لصديقتي ومره يسوي نفسه يكلمها قدامي وهذا من غير الاوامر الثانيه بس علشان يتعمد يقومني من مكاني ويتعبني وانا طووووووول هالوقت ساكته ومطنشه وصابره وانفذ الي يبيه مع العلم والله اني ما ادري ليه هو زعلان مني ولا اذكر شي سويته له وخلاه يتضايق والله يابنات ان امس ولدي مره تعبان ولاقدرت اتصل عليه لاني خايف يهاوشني ويقول ليه اتصلتي وانا محذرك،،
احس زوجي نفسيه؟؟؟؟ صح؟؟؟؟؟
قولوا لي وشوروا علي وش اسوي معاه اطنشه ولا اتكلم معاه والله اني طفشت منه ومن تصرفاته ونفسيته هذي وبصراحه نفسي اربيه واعلمه هالمره علشان مايكرررها ثاني مررره؟؟؟؟؟بس كييييييف؟؟؟؟؟